Klopp ឈ្នះ Final តែម្ដងគត់ក្នុងអាជីពជាគ្រូបង្វឹក

2019-05-23 13:54:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការក្លឹប Liverpool លោក Jurgen Klopp មិនសូវមានកំណត់ត្រាល្អប៉ុន្មានទេ ពេលក្លឹបរបស់គាត់ឡើងវគ្គផ្ដាច់ព្រ័ត្រម្ដងៗ។

ជាក់ស្ដែង លោកធ្លាប់ដឹកនាំកូនក្រុមរបស់លោកឡើងវគ្គផ្ដាច់ព្រ័ត្រ ៧លើក ទាំងពានក្នុងស្រុក និងពានទ្វីបអឺរ៉ុប ក្នុងអាជីពរបស់លោក ប៉ុន្តែលោកបានឈ្នះតែម្ដងគត់គឺ ឈ្នះពាន DFB Pokal ពេលលោកដឹកនាំ Dortmund ឲ្យឈ្នះ Bayern Munich ក្នុងលទ្ធផល ៥-២ ក្នុងវគ្គផ្ដាច់ព្រ័ត្រពាននេះ កាលពីឆ្នាំ២០១២។

បន្ទាប់ពីប្រកួតវគ្គផ្ដាច់ព្រ័ត្រពេលនោះមក លោកចាញ់ទាំងអស់ ដោយចាញ់ Bayern Munich ទាំងក្នុង UEFA Champions League ឆ្នាំ២០១៣ និង DFB Pokal ឆ្នាំ២០១៤ ក៏ដូចជាចាញ់ក្លឹប Wolfsburg ក្នុងពាន DFB Pokal ឆ្នាំ២០១៥។

លុះពេលមកដល់ក្លឹប Liverpool ភ្លាម លោកមានឱកាសឡើងវគ្គផ្ដាច់ព្រ័ត្រនៃពាន League Cup ឆ្នាំ២០១៦ តែជាអកុសល ក្រុមរបស់លោកចាញ់ Manchester City ក្នុងវគ្គប៉េណាល់ទី។ ក្នុងឆ្នាំនោះដដែល លោកក៏បានចាញ់ក្លឹប Sevilla ក្នុងវគ្គផ្ដាច់ព្រ័ត្រ UEFA Europa League ទៀតផង។

កន្លងបាន ២ឆ្នាំ នៅឆ្នាំ២០១៨ លោកបានដឹកនាំ Liverpool ឲ្យឡើងមកដល់វគ្គផ្ដាច់ព្រ័ត្រ UEFA Champions League ដោយលេងទល់នឹង Real Madrid ប៉ុន្តែលោកនៅតែបន្តចាញ់ក្នុងលទ្ធផល ៣-១។

ចំណែកឯឆ្នាំ២០១៩ នេះ លោកបានដឹកនាំ Liverpool ឲ្យវគ្គផ្ដាច់ព្រ័ត្រក្របខ័ណ្ឌកំពូលអឺរ៉ុប ដោយនឹងប៉ះក្លឹបអង់គ្លេស Tottenham Hotspur៕

អានបន្ត៖

ប្រភព៖ Goal អត្ថបទ៖ សេរី មង្គល