រឿង សោភ័ណ្ឌ បញ្ជាក់មុននេះថាទម្ងន់៦៩ វ៉ៃនៅប្រទេសណា ឬកម្មវិធីអ្វីក៏បានដែរ

2019-05-30 07:52:58
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាកររហស្សនាម ដៃភ្លើងជើងរន្ទះ រឿង សោភ័ណ្ឌ បានបញ្ជាក់ក្នុងការឡាយវីដេអូលើហ្វេសបុកផ្ទាល់ខ្លួនមុននេះថា សង្វៀន Thai Fight សង្វៀន ONE ឬសង្វៀនណាក៏ដោយ បើចង់ហៅខ្លួនទៅប្រកួត ហើយដាក់លេងប្រភេទទម្ងន់៦៩គីឡូក្រាម គឺទទួលទាំងអស់។ ប៉ុន្តែ សោភ័ណ្ឌ សុំតម្លៃខ្លួនលើពី១០០០ដុល្លារឡើងទៅ អាចថាចន្លោះត្រឹម ១៥០០-២០០០ ព្រមប្រកួតទាំងអស់។

កីឡាករ រឿង សោភ័ណ្ឌ

ការលើកឡើងបែបនេះទី១ អាចថាក្នុងនាមខ្លួនជាអ្នកប្រដាល់ត្រូវតែមានការប្រកួត ទី២ អាចជាការឆ្លើយតបទៅនិងអ្នកគាំទ្រគុនខ្មែរមួយចំនួន ដែលតែងតែរិះគន់ថាខ្លួនចេះតែខ្លាចដៃគូ ដែលគេដាក់មកប្រកួតនៅស្រុកខ្មែរខ្លាំងៗ និងព្យាយាមគេចវ៉េស ដូច្នេះហើយទើបអ្នកប្រដាល់ល្អកណ្ដាប់ដៃខាងលើព្រលយពាក្យស្វាគមន៍គ្រប់សង្វៀនបែបនេះ។ មួយវិញទៀតអ្នកប្រដាល់រូបនេះ បានបញ្ជាក់ថា ក្នុងនាមជាអ្នកប្រដាល់មួយរូបដែល មិនខ្លាចដៃគូនោះឡើយ បើខ្លាចមិនមែនមកធ្វើជាអ្នកប្រដាល់នោះទេ។

រឿង សោភ័ណ្ឌ ប្រកួតកន្លងទៅ

យ៉ាងណាក៏ដោយ នេះក៏ជាការផ្ញើមួយដែរដល់អ្នករៀបចំកម្មវិធីធំៗនៅក្រៅប្រទេស បើចង់បានកីឡាករកម្ពុជាខាងលើទៅប្រកួតមែននោះ។ នេះក៏ជាដំណឹងល្អមួយសម្រាប់អ្នកគាំទ្រគុនខ្មែរចង់ឃើញ រឿង សោភ័ណ្ឌ ក្នុងកម្មវិធីទាំងនោះផងដែរ។

កីឡាករ រឿង សោភ័ណ្ឌ ឈ្នះកន្លងទៅ

រំលឹកដែរថា កីឡាករ រឿង សោភ័ណ្ឌ ជាអ្នកប្រដាល់ជួរមុខរបស់កម្ពុជា មកពីក្លឹបប្រដាល់ម្កុដរាជសីហ៍ ជាកូនសិស្សលោកគ្រូ ឈិន ក្វាន់ចៃ។ បច្ចុប្បន្ននេះ សោភ័ណ្ឌ ប្រកួតក្នុងប្រភេទទម្ងន់ ៦៩-៧០គីឡូក្រាម៕

អត្ថបទ៖ នួន ស៊ីណា