ម្ដងនេះស្រីស្អាត ស៊ឹម ស្រីនិច ភ្លឺភ្នែកចែស ក្រោយចេញរូបសិចស៊ីច្រើនប្លង់ជាមួយ សាន់នី

2019-05-30 07:58:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ស៊ឹម ស្រីនិច ដែលកម្រឃើញរូបភាពសិល្បៈសិចស៊ីពីនាងនោះ នៅថ្ងៃនេះ ស្រាប់តែលេចចេញរូបភាពសិចស៊ីបែបសិល្បៈច្រើនសន្លឹកលើបណ្ដាញសង្គម ធ្វើឲ្យទស្សនិកជនជាច្រើនចូលមក Comment ធ្វើឲ្យនាងភ្លឺភ្នែក។

តាមរយៈរូបភាពប៉ុន្មានសន្លឹកនោះ ស្រីនិច បញ្ជាក់ថា នាងទទួលថតរូបភាពបែបនេះ ដោយសារតែតួប្រុស គឺលោក សាន់នី ប៉ុណ្ណោះ។ ប្រសិនបើមិនមែនទេ គ្មានថ្ងៃដែលនាងថតរូបក្នុងគំនិតបែបនេះឡើយ។ "សូមជម្រាបអោយត្រង់ណា បើតួប្រុសមិនមែនជារូបគាត់ទេ ក៍មិនមានវត្តមានខ្ញុំក្នុង concept ថតរូបមួយនេះដែរ!”។ យ៉ាងណា ក៏ស្រីស្អាត មិនបានបញ្ជាក់ឡើយថា មូលហេតុអ្វី ដែលនាងត្រូវការលក្ខខណ្ឌថតបែបនេះជាមួយតែលោក សាន់នី។

ប៉ុន្តែតាមអ្នកគាំទ្រ អាចដោយសារថា កញ្ញា និងសាន់នី ស្និទ្ធស្នាលស្រាប់ ទើបហ៊ានថតស៊េរីឈុតដែលមើលទៅហាក់សិចស៊ីខុសធម្មតាបែបនេះ ក៏ព្រោះតែខ្លាចរងការរិះគន់ពីមហាជន។ យ៉ាងណាក៏ដោយ តួស្រីក្នុងរឿង "ស្រទន់មន្តស្នេហ៍" មិនបានទទួលព្យុះរិះគន់ដោយសាររូបប៉ុន្មានសន្លឹកនេះនោះទេ។ ផ្ទុយទៅវិញ បែរជាទទួលបានការគាំទ្រច្រើនទៅវិញ។

ស្រីនិច លើកឡើងថា "តាមដែលនាងខ្ញុំ និងក្រុមការងារបានមើល comment របស់ពុកម៉ែបងប្អូនហើយ ឃើញថាពួកគាត់ បើកចិត្តទទួលស្គាល់រូបពួកខ្ញុំទាំងពីរនាក់។ គ្រប់ concept ដែលពួកខ្ញុំបានធ្វើកន្លងមករួមទាំងរូបថតទាំងនេះផងដែរមិនដែលគិតថាចង់លើសលួសពីនេះទេ"។

បែបនេះ តារាស្រី យល់ថា បងប្អូនអ្នកគាំទ្រ មិនបានចិត្តចង្អៀតលើរូបភាពសិល្បៈ ទាំងនេះនោះទេ ស្របពេលពួកនាង ក៏មិនបានធ្វើអ្វីឲ្យលើសលួសខ្លាំង ទើបនាងទទួលបានមតិវិជ្ជមានជាងការរិះគន់ដូច្នេះ។ យ៉ាងណាក៏ដោយ កញ្ញា បញ្ជាក់ថា កញ្ញាបើកចិត្តដូចគ្នា ក្នុងការទទួលយកទាំងអស់ នូវរាល់ការរិះគន់កែលម្អ៕