ឆែកខ្វិចឆែកខ្ចី តម្លៃសំបុត្រ ស្រាបៀរ ទឹកសុទ្ធ នៅ Champions League វគ្គផ្ដាច់ព្រ័ត្រ

2019-05-31 02:23:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Liverpool នឹងត្រូវតតាំងជាមួយក្រុម Spurs នៅថ្ងៃទី១ខែមិថុនាឆ្នាំ២០១៩ខាងមុខនេះហើយ នៅទីក្រុងម៉ាឌ្រីតប្រទេសអេស្ប៉ាញ។ ដើម្បីឱ្យអ្នកអាន Sabay ដឹងឱ្យអស់ពីតម្លៃនានា ក្នុងការប្រកួតវគ្គផ្ដាច់ព្រ័ត្រនេះ ក្រុមការងារនឹងរាយរាប់ប្រាប់ឱ្យអស់តែម្ដង សូម្បីតែតម្លៃទឹកសុទ្ធ ក៏សរសេរបញ្ជាក់ដែរ៖

១ ជ័យលាភីក្រុមទាំងពីរដែលទទួលបាន

មកដល់វគ្គក្រុម Liverpool បើគិតលុយសរុបក្នុងករណីឈ្នះពាន គឺនឹងបាន៩៧,៨លានផោន ខណៈដែលក្រុម Spurs ឈ្នះវិញ នឹងបាន៩៥,១លានផោន។ ប្រាក់រង្វាន់សរុបនេះ គឺគិតបូកទាំងការប្រកួតសន្សំពិន្ទុមក ហើយការលើសខ្វះគ្នា គឺដោយសារការប្រកួតកន្លងនោះ មានឈ្នះមានចាញ់ ដូច្នេះប្រាក់រង្វាន់ឈ្នះបានច្រើនជាងចាញ់ឬស្មើបន្តិចបន្ដួច។

២ តម្លៃសំបុត្រ

សំបុត្រនៅការប្រកួតផ្ដាច់ព្រ័ត្រនេះ ចែកជា២ផ្នែក គឺBusiness Seat និងStandard Tickets។ Business Seat នេះ មានតម្លៃចាប់ពី៤ ៣០០ដុល្លារឡើងរហូតដល់ជាង៧០០០ដុល្លារ ក្នុង១កៅអី។ ដោយឡែកសម្រាប់ Standard Tickets វិញ ជាសំបុត្រធម្មតា ដែលមានតម្លៃពីជាង៦០ដុល្លារដល់ជាង៥០០ដុល្លារ។

៣ តម្លៃភេសជ្ជៈដែលលក់អំឡុងពេលប្រកួត

ទឹកសុទ្ធ (៥០០មីលីលីត្រ) ១ដបតម្លៃ៦ដុល្លារជាង។ Pepsi ក៏មានតម្លៃជាង៦ដុល្លារនេះដែរ។ សម្រាប់ស្រាបៀ Heineken វិញ១ដបតម្លៃក៏ស្មើនឹងទឹកសុទ្ធ១ដបដែរ ជាង៦ដុល្លារដូចគ្នា។

៤តម្លៃជើងហោះហើរ

សម្រាប់ថ្ងៃទី១ ជើងហោះហើរពីទីក្រុងឡុង ទៅក្រុងម៉ាឌ្រីត ហើយមកវិញនៅថ្ងៃទី២ មានកញ្ចប់ជាមធ្យម១៥០០ដុល្លារ។ មានវិធីជិះអស់តិចជាងនេះ គឺត្រូវហោះទៅ Valencia សិន ហើយជិះរថភ្លើងបន្ដ។ សម្រាប់កន្លែងគេងវិញ ១យប់តម្លៃជាមធ្យមគឺជាង១ពាន់ដុល្លារ (មិនគិតបន្ទប់លក្ខណៈផ្កាយទេ ជាបន្ទប់ធម្មតាៗ)៕

អត្ថបទ៖ មុន្នីរម្យ