ម៉ូតូ MSX ពេលប្ដូរប្រើម៉ាស៊ីនរបស់ Ducati សមត្ថភាពមិនធម្មតា
- 2019-06-02 05:17:51
- ចំនួនមតិ 0 | ចំនួនចែករំលែក 0
ម៉ូតូ MSX ពេលប្ដូរប្រើម៉ាស៊ីនរបស់ Ducati សមត្ថភាពមិនធម្មតា
ចន្លោះមិនឃើញ
អ្នកជំនាញខាងកែច្នៃម៉ូតូនៅប្រទេសថៃ លោក Mario Kleff បានបង្ហាញពីសមត្ថភាពម៉ូតូហុងដា MSX 125 ដែលប្រើប្រាស់ម៉ាស៊ីនរបស់ Ducati ជំនួសឲ្យម៉ាស៊ីនដើម។
ម៉ូតូ MSX ដែលប្ដូរម៉ាស៊ីននេះបានប្រែឈ្មោះទៅជា Mod Dam ហើយវាអាចរត់ក្នុងល្បឿនរហូតដល់ ៣២០គ.ម/ម៉ ដោយម៉ាស៊ីនដើមមានល្បឿនអតិបរមាត្រឹម ១០៥គ.ម/ម៉ ប៉ុណ្ណោះ។ ក្រៅពីមានល្បឿនលឿនជាងមុនទម្ងន់របស់វាក៏កើនឡើងពី ១០២គីឡូក្រាម ទៅ ១៣៧គីឡូក្រាមវិញ។
ដើម្បីបំពាក់ម៉ាស៊ីន Ducati ម៉ូដែល 1199 Panigale លើម៉ូតូ លោក Kleff បានបង្កើតគ្រោងទម្រម៉ាស៊ីនពិសេសមួយដែលផ្សាជាប់នឹងគ្រោងម៉ូតូ។ និយាយរួមគាត់បានកែច្នៃដោយយកលំនាំតាមវិធីដែលម៉ូតូធំ Ducati ផលិតឡើងដូច្នោះដែរ។
អ្វីដែលគួរឲ្យសោកស្ដាយបំផុតគឺគេមិនអាចដឹងថាម៉ូតូ Mod Dam នេះរត់បានក្នុងល្បឿនអតិបរមាត្រឹមប៉ុន្មានគីឡូម៉ែត្រក្នុងមួយម៉ោងនោះទេ ព្រោះម៉ូតូបានឆេះខ្ទេចអស់ដោយសារតែលេចធ្លាយប្រេង។
យ៉ាងណាក្ដីលោក Mario Kleff បានទិញម៉ូតូ Ducati 1199 Panigale R មួយគ្រឿងទៀតដោយគ្រោងនឹងយកម៉ាស៊ីនវាច្នៃលើម៉ូតូ MSX សារជាថ្មី៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
