ទៅដល់កន្លែងថ្មីមួយ ណាក់ ស្រីណា ស្អាតទៀតហើយ ក្នុងឈុតពណ៌ទឹកក្រូចឆ្លុះជាមួយម៉ូដផ្ទះបុរាណ

2019-06-04 03:48:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីការិនីទូរទស្សន៍ អាស៊ីអាគ្មេយ៍ ណាក់ ស្រីណា ជារឿយៗបានបញ្ចេញឲ្យប្រិយមិត្តបានឃើញនូវសម្ផស្សធម្មជាតិ និងការតុបតែងកាយសាមញ្ញៗដើរកម្សាន្តទៅកន្លែងនានា។ ថ្មីៗនេះ ស្រីណា បានទៅដល់កន្លែងថ្មីមួយទៀត ដែលបន្ទាប់មកនាង ក៏បានបញ្ចេញស្ទីលសុភាព ទន់ភ្លន់របស់នាងតាមស៊េរីរូបភាពមួយស៊េរី។

ទីតាំងកន្លែងនោះ បានបង្ហាញពីម៉ូដផ្ទះបុរាណមួយចំនួន ដែលត្រូវបានគេសង់ដើម្បីលម្អ និងបម្រើដល់ការកម្សាន្តរបស់បងប្អូនប្រជាពលរដ្ឋទូទៅ។ ដោយឡែក នារីស្រគត់ស្រគំ បានរំលេចសម្រស់ដោយឈុតសំលៀកបំពាក់ពណ៌ទឹកក្រូច ស៊ីគ្នាទៅនឹងពណ៌នៃម៉ូដផ្ទះបុរាណទាំងនោះ។ ដូច្នេះហើយ នាងទទួលបានការសរសើរជាច្រើនពីប្រិយមិត្តអ្នកគាំទ្ររបស់នាង ក្រោយពីបានឃើញស៊េរីរូបភាពថ្មីនេះ។

វិលមកទីកន្លែងដែល ណាក់ ស្រីណា បង្ហាញជូនប្រិយមិត្តនោះវិញ ស្រីណា បង្ហើបថា មានឈ្មោះ "ព្រីនមែនន័រ" ដែលនៅមិនឆ្ងាយប៉ុន្មានពីរាជធានីនោះឡើយ ពោលគឺ ត្រឹមកៀនស្វាយក្រៅរបស់យើងនេះប៉ុណ្ណោះ។ តោះ...មើលសម្រស់របស់ ស្រីណា តាមរូបភាពមួយស៊េរីនេះទាំងអស់គ្នា!!!