Valencia កសាងរូបសំណាកអ្នកគាំទ្រម្នាក់ ដែលបង្កប់នូវរឿងរ៉ាវគួរឲ្យគោរព

2019-06-05 03:06:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Valcencia បានកសាងរូបសំណាករបស់អ្នកគាំទ្រម្នាក់ដាក់នៅកៅអីអង្គុយនាកីឡដ្ឋានរបស់ខ្លួនដើម្បីរម្លឹកដល់អ្នកគាំទ្រដ៏ស្មោះស្ម័គ្ររូបនោះ ដែលចំណាយពេលពេញមួយជីវិតទៅគាំទ្រការប្រកួត។

អ្នកគាំទ្រមានឈ្មោះថា Vicente Navarro Aparicio មានប័ណ្ណសម្គាល់លើសំបុត្រលេខ១៨បានទៅទស្សនាការប្រកួតក្នុងទឹកដីគ្រប់ការប្រកួត ប៉ុន្តែរូបលោកបានងងឹតភ្នែកនៅអាយុ៥៤ឆ្នាំ ប៉ុន្តែបើទោះមើលមិនឃើញក្ដី Vincente នៅតែទៅគាំទ្រជាប្រចាំនៅកីឡដ្ឋាន Mestalla ដោយឲ្យកូនប្រុសជាអ្នកដឹកដៃ និងរៀបរាប់ពីសកម្មភាពលើទីលាន។

គួរឲ្យសោកស្ដាយអ្នកគាំទ្រដ៏ស្ម័គ្រស្មោះរូបនោះបានស្លាប់បាត់បង់ជីវិតកាល២ឆ្នាំមុន ដោយខកខានមិនបានដឹងពីការឈ្នះជើងឯក Copa del Rey របស់ Valencia ក្នុងឆ្នាំនេះ ប៉ុន្តែក្លឹបបានកសាងរូបលោកពីសំរឹទ្ធដើម្បីទុកជាការចងចាំ លើកៅអីលេខ១៦៤ ជួរទី១៥នាកីឡដ្ឋាន Mestalla ជាកៅអីដែលលោក Vicente តែងអង្គុយ៕