មូលហេតុនេះទើបប្រព័ន្ធប្រតិបត្តិការ Huawei ប្រើឈ្មោះ ២ ផ្សេងគ្នា

2019-06-09 03:15:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធប្រតិបត្តិការដែល Huawei បង្កើតឡើងដោយខ្លួនឯង កាលដំបូងមានដំណឹងថាវាមានឈ្មោះ HongMeng OS។ បន្តិចក្រោយមកក៏មានការបញ្ជាក់ថាឈ្មោះ OS របស់ Huawei គឺត្រូវហៅថា Ark OS ទៅវិញទេ។

បើតាមការចេញផ្សាយថ្មីមួយរបស់ Global Times បានបញ្ជាក់ថាទាំងពីរនេះសុទ្ធតែជាឈ្មោះប្រព័ន្ធប្រតិបត្តិការរបស់ Huawei ដោយឈ្មោះ HongMeng OS ជាឈ្មោះសម្រាប់ប្រើនៅប្រទេសចិន ហើយឈ្មោះ Ark OS ជាឈ្មោះប្រើលើទីផ្សារប្រទេស ដែលឈ្មោះនេះបានចុះបញ្ជីនៅទីស្នាក់ការប៉ាតង់ និងកម្មសិទ្ធិបញ្ញារបស់អាល្លឺម៉ង់។

លោក Richard Yu នាយកប្រតិបត្តិរបស់ Huawei ធ្លាប់បានបញ្ជាក់ថាប្រព័ន្ធប្រតិបត្តិការថ្មីរបស់ខ្លួន នឹងរួចរាល់នៅចន្លោះខែកញ្ញា ដល់ ខែធ្នូ ខាងមុខនេះ។ ប៉ុន្តែសារព័ត៌មាន GSM Arena បានរំពឹងថាប្រព័ន្ធប្រតិបត្តិការ Huawei នឹងបញ្ចេញយ៉ាងលឿននៅដើមខែសីហាខាងមុខនេះតែម្ដង៕

ចុចអាន ៖ ចេញខ្លះហើយ មុខមាត់ប្រព័ន្ធប្រតិបត្តិការផលិតដោយ Huawei

ប្រភព៖ GSMarena ប្រែសម្រួល៖ សុខហេង