ប្រណាំងកង់ពិភពលោកលើកទី១នៅខ្មែរ មាន៣ដំណាក់កាល និងចម្ងាយឆ្ងាយបំផុតរហូតដល់ ១៧៤គីឡូម៉ែត្រ

2019-06-20 08:16:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្ពុជានឹងគ្រោងរៀបចំការប្រណាំងកង់លំដាប់ពិភពលោក នាឆ្នាំ២០២០ខាងមុខនេះ ដែលមានកីឡាករ កីឡាការិនីអាជីពមកពី១៩ប្រទេសផ្សេងគ្នា។ ការប្រណាំងនេះគឺបែងចែកជា៣ដំណាក់កាល និងផ្លូវដូចខាងក្រោម។

រូបភាពតំណាង

**ដំណាក់កាលទី១៖** ចាប់ពីថ្ងៃទី៤ ខែមករា ២០២០ ចេញដំណើរពីរមណីយដ្ឋានតារាសាគរនៃខេត្តកោះកុង ឆ្លងកាត់រង្វាន់មូលវិថីសាយភូថងឆ្ពោះទៅកាន់ទីរួមខេត្តកោះកុង ដែលមានចម្ងាយសរុបប្រមាណ ១៣៩គីឡូម៉ែត្រ។

រូបភាពតំណាង

ដំណាក់កាលទី២៖ នឹងប្រព្រឹត្តិទៅនៅថ្ងៃទី៥ ខែមករា ២០២០ ចេញដំណើរពីរង្វង់មូលរមណីយដ្ឋានតារាសាគរនៃខេត្តកោះកុង(ត្រង់រង្វង់មូលវិថីសាយភូថង) ឆ្លងកាត់មកផ្លូវបំបែកស្រែអំបិល ឆ្ពោះទៅរង្វង់មូលវាលរេញ និងបន្តទៅកាន់រមណីយដ្ឋានឋានសួគ៌បូកគោ នៃខេត្តកំពត ដែលមានចម្ងាយផ្លូវ ១៧៤គីឡូម៉ែត្រ។

រូបភាពតំណាង

ដំណាក់កាលទី៣៖ នឹងប្រព្រឹត្តិទៅនៅថ្ងៃទី៦ ខែមករា ២០២០ ដោយចេញដំណើរពីមុខសាលាខេត្តកែប ឆ្លងកាត់រង្វង់មូលសេះស ឆ្ពោះទៅកាន់រង្វង់មូលធូរេន នៃខេត្តកំពត រួចបន្តទៅកាន់រង្វង់មូលវាលរេញ និងបញ្ចប់នៅរង្វង់មូលតោពីរនៃខេត្តព្រះសីហនុ ដែលមានចម្ងាយសរុប ១៥៥គីឡូម៉ែត្រ។

រូបភាពថ្ងៃបើកសន្និសីទសារព័ត៌មាន

រំលឹកដែរថា កម្ពុជា ដែលមានក្រសួងទេសចរណ៍ គណៈកម្មាធិការជាតិអូឡាំពិកកម្ពុជា សហព័ន្ធប្រណាំងកង់កម្ពុជា បានសហការជាមួយសហព័ន្ធប្រណាំងកង់ពិភពលោក គ្រោងនឹងរៀបចំព្រឹត្តិការណ៍ប្រណាំងកង់លើកទី១នៅប្រទេសកម្ពុជា នាដើមខែមករា ឆ្នាំ២០២០។ សម្រាប់កីឡាករអាជីពដែលទាំង១៩ប្រទេសចូលរួមលើកនេះ នឹងទទួលបានការបូកពិន្ទុបន្ថែម World Ranking ព្រោះនេះជាការប្រកួតផ្លូវការ៕

អត្ថបទ៖ នួន ស៊ីណា