រកឃើញស្មាតហ្វូនថ្មីមួយទៀត សាកភ្លើងលឿនខ្លាំង ១៣ នាទីពេញបឹប ១០០%

2019-06-20 10:45:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រុមហ៊ុន VIVO បានប្រកាសចេញជាផ្លូវការនូវស្មាតហ្វូនមានបំពាក់បច្ចេកវិទ្យាសាកភ្លើងលឿន ដែលភ្ជាប់ជាមួយខ្សែសាកលឿន USB-C មានកម្លាំងបញ្ជូនដល់ទៅ ១២០ វ៉ាត់ម៉ោង(120W) អាចបំពេញថាមពលថ្មទំហំ ៤០០០ មីលីអំពែម៉ោង ពេញ ១០០% ចំណាយពេលត្រឹមតែ ១៣ នាទីប៉ុណ្ណោះដែលឲ្យឈ្មោះថា ultra-fast flash charging។ បើចង់សាកត្រឹម ៥ នាទីបាន ៥០%។

រូបតំណាង

ស្មាតហ្វូនមានបំពាក់បច្ចេកវិទ្យាសាកភ្លើងលឿននេះនៅមិនទាន់មានឈ្មោះពិតទេ អាចនឹងបង្ហាញមុខក្នុងកម្មវិធី MWC Shanghai 2019 នៅថ្ងៃទី ២៦ ខែមិថុនាខាងមុខនេះ។ ជាងនេះទៀត VIVO ក៏នឹងបង្ហាញពីបច្ចេកវិទ្យា 5G ក្នុងកម្មវិធីនោះផងដែរ។

មើលវីដេអូ សូមចុចនៅទីនេះ

បើត្រឡប់ទៅកាលពីឆ្នាំមុន OnePlus បានបញ្ចេញស្មាតហ្វូនមានបំពាក់បច្ចេកវិទ្យាសាកភ្លើងលឿនមុន មានកម្លាំងបញ្ជូនត្រឹម ៣០ វ៉ាត់ម៉ោងចាត់ទុកថាលឿនបំផុតហើយ តែបន្ត មកក៏មាន Huawei ចេញស្មាតហ្វូនមានបំពាក់បច្ចេកវិទ្យាសាកភ្លើងលឿន ៤០ វ៉ាត់ម៉ោង ចំណែក Oppo តំឡើងដល់ ៥០ វ៉ាត់ម៉ោងដែលឲ្យឈ្មោះថា SuperVOOC Flash Charge។ រីឯ Xiaomi តំឡើងដល់ ១០០ វ៉ាត់ម៉ោងដែលឲ្យឈ្មោះថា Super FastCharge Turbo សាកពេញ ១០០% ចំណាយពេលត្រឹមតែ ១៧ នាទី៕

ប្រភព៖ The Verge ប្រែសម្រួល៖ រក្សា