លេចឭថា Lexus និង Toyota ក្រោយៗនឹងប្រើប្រាស់ម៉ាស៊ីនរបស់ Mazda វិញ?
- 2019-06-21 04:43:48
- ចំនួនមតិ 0 | ចំនួនចែករំលែក 0
លេចឭថា Lexus និង Toyota ក្រោយៗនឹងប្រើប្រាស់ម៉ាស៊ីនរបស់ Mazda វិញ?
ចន្លោះមិនឃើញ
យោងតាមទស្សនាវដ្ដីជប៉ុន Best Car កាលពីពេលថ្មីៗនេះបាន ចុះផ្សាយពីដំណឹងរសើបមួយថា ក្រុមហ៊ុនផលិតរថយន្តដ៏ល្បីល្បាញរបស់ជប៉ុនទាំងពីរគឺ Toyota និង Mazda បានព្រមព្រៀងសហការដោយយកម៉ាស៊ីនក្រុមហ៊ុន Mazda បំពាក់លើរថយន្តជំនាន់ចុងក្រោយរបស់ Toyota និងប្រភេទប្រភេទស្ព័រម៉ូឌែល RC និង LC ឆ្នាំ ២០២០ នៅលើ Lexus ផងដែរ។
ប្រភពដដែលបានឲ្យដឹងថា Mazda កំពុងនឹងដំណើរការចង្វាក់ផលិតកម្មផលិតម៉ាស៊ីនស៊ីឡាំង ៦ (Inline-Six cylinder engine) ដែលជាប្រភេទម៉ាស៊ីនមានបំពាក់បច្ចេកវិទ្យា Skyactive-X ដ៏ទំនើបចុងក្រោយបង្អស់របស់ Mazda ដែលជាម៉ូឌែល Mark X sedan។
ទោះជាយ៉ាងណានេះមិនមែនជារឿងថ្មីដំបូងក្នុងប្រវត្តិសាស្ត្រផលិតរថយន្តនោះទេ ព្រោះកាលពីឆ្នាំ ២០១៦ ក្រុមហ៊ុនទាំង ២ ក៏បានចាប់ដៃគ្នាម្ដងដែរលើការផ្ដោះប្តូរបច្ចេកវិទ្យាគ្នាទៅវិញទៅមក ដោយចំណាយជាង ១,៦ ប៊ីលានដុល្លារដើម្បីសាងសង់រោងចក្រផលិតរថយន្តជំនាន់ Toyota Corolla និង Mazda ប្រភេទ crossover នៅរដ្ឋ Alabama សហរដ្ឋអាមេរិក។
ដូច្នេះ តើនៅឆ្នាំ ២០១៩ នេះរថយន្តទំនើបរបស់ Toyota និងបំពាក់ម៉ាស៊ីនរបស់ Mazda ដែរឬទេ? សូមរង់ចាំមើលបន្តទៀត៕
អត្ថបទទាក់ទង៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
