សង្វៀនថ្មីរបស់ CBS អ្នកលេខ១ បានម៉ូតូ Zoomer x ១គ្រឿង និងបន្តឱកាសក្រសោបលុយធំ

2019-06-21 07:09:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានីយទូរទស្សន៍ CNC បង្កើតសង្វៀនថ្មីមួយទៀតហើយ គឺ«កម្ពុជាសង្វៀនគុនខ្មែរ» កីឡាករដែលក្លាយជាជើងឯកនៅជុំទី១-២ នឹងទទួលបានម៉ូតូ Zoomer X មួយគ្រឿង រួមនិងប្រាក់រង្វាន់ ៥០០ដុល្លារ ហើយបានឡើងទៅវគ្គផ្ដាច់ព្រ័ត្រយកខ្សែក្រវាត់ទម្ងន់ ៦០គីឡូក្រាម ថែមទៀតផង។

សន្និសីទសារព័ត៌មានព្រឹកមិញ

បើតាមការលើកឡើងរបស់លោក ស៊ីថូ ណាថាន់ ពេលសន្និសីទសារព័ត៌មានព្រឹកមិញនេះថា ការប្រកួតនេះចែកចេញជាពីរក្រុម គឺក្រុមទី១(Group1) និងក្រុមទី២(Group2)។ ក្រុមទី១ មានពូលខ្មែរ(៤រូប) និងពូលបរទេស(៤រូប) ពួកគេត្រូវចាប់ឆ្នោតប៉ះអ្នកណាប្រកួតជាមួយអ្នកនោះ។ កីឡាករចាញ់គឺធ្លាក់ត្រឹមនេះ អ្នកឈ្នះបានឡើងទៅវគ្គពាក់កណ្ដាលផ្ដាច់ព្រ័ត្រ បន្ទាប់មកបើបន្តឈ្នះទៀតបានឡើងផ្ដាច់ព្រ័ត្រយកជើងឯកលេខ១ប្រចាំក្រុមទី១(Group1)។ ចំណែកការប្រកួតក្រុមទី២(Group2) គឺធ្វើដូចទៅនិងទម្រង់ទី១ខាងលើនេះដែរ។ ម្ចាស់ជើងឯកនៃក្រុមនិមួយៗ គឺបានម៉ូតូ Zoomer X ១គ្រឿង និងប្រាក់រង្វាន់ ៥០០ដុល្លារ រួមទាំងមេដាយ។

លោក ស៊ីថូ ណាថាន់

សម្រាប់ជើងឯកប្រចាំក្រុម (Group) ទាំងពីរ ដែលរកឃើញហើយនោះ នឹងត្រូវប្រកួតផ្ដាច់ព្រ័ត្រដើម្បីក្លាយជាម្ចាស់ខ្សែក្រវាត់ទម្ងន់៦០គីឡូក្រាមតែម្ដង។ ចំពោះម្ចាស់ខ្សែក្រវាត់ស្រាបៀកម្ពុជានៅពេលនោះនឹងទទួលបានប្រាក់រង្វាន់ ៦០០០ដុល្លារ។

កម្មវិធីប្រដាល់ «កម្ពុជាសង្វៀនគុនខ្មែរ» របស់ CNC នេះធ្វើឡើងរៀងរាល់ព្រឹកថ្ងៃសៅរ៍ ចាប់ពីម៉ោង៨ ដល់ម៉ោង ១០កន្លះ។ សម្រាប់ការប្រកួតជម្រុះក្រុមទី១(Group1) សប្ដាហ៍ទី១នេះ គឺ អេលីត សាន់ ប៉ះ ភិតណាំអេក និង ឡូញ វ៉ាន់ឌី ប៉ះ ណាក់រុប វីរីវ៉ាត់យោធិន ព្រឹកស្អែកនេះ៕

អត្ថបទ៖ នួន ស៊ីណា