Sticker ប្រមូល​ផ្ដុំ​ទៅ​ដោយ​ពាក្យ​ល្បី​ដែល​និយម​ប្រើ​នៅ​ក្នុង​បណ្ដាញ​សង្គម​នានា ពិសេស​ជា​ពាក្យ​ប្រើ​ប្រចាំ​ថ្ងៃ​របស់​យុវវ័យ​ដូចជា Bash, Cool ក៏​ដូចជា​ជឿ​អត់​បង​ប្អូន ជឿ​អត់ ព្រម​ទាំង​ឃ្លា​ជាច្រើន​ទៀត ពេល​នេះ​បាន​ដាក់​ឲ្យ​ទាញ​យក​ដោយ​មិន​គិត​ថ្លៃ​ហើយ​នៅ​ក្នុង Viber។

ក្រៅ​ពី​ពាក្យ​លេប​ខាយ ឌឺដង​គ្នា​ដែល​អ្នក​តែង​ប្រើ​ជា​ប្រចាំ​ហើយ​នោះ កញ្ចប់ Sticker Express It with Sabay នេះ ក៏​មាន​តួអង្គ​ឈ្មោះ តយ ដោយ​បាន​ធ្វើ​ឡើង​យ៉ាង​សម្រិត​សម្រាំង​ដើម្បី​បង្ហាញ​ពី​អារម្មណ៍​នៃ​ពាក្យ​នីមួយៗ។

Express It with Sabay ឬ​មាន​ឈ្មោះ​ជា​ភាសាខ្មែរ​ថា ជំរំ Sticker Cool កើត​ឡើង​រវាង​ការ​សហការ​ពី​ក្រុមហ៊ុន​សប្បាយ និង Viber ផ្ទាល់ ដើម្បី​បន្ថែម​ភាព​ងាយ​ស្រួល​ក្នុង​ការ​ទំនាក់ទំនង​លើ​បណ្ដាញ​សង្គម និង​ពិសេស​ផ្ដល់ Sticker ជា​ភាសា​ខ្មែរ​ឲ្យ​បាន​កាន់​តែ​ច្រើន។

• ដើម្បី Download Sticker Cool Cool ខាង​លើ គ្រាន់​តែ​វាយពាក្យ Express It with Sabay នៅក្នុងកម្មវិធី Viber ឬ ចុច​នៅ​ទីនេះ។

• ចំពោះ​អ្នក​មិន​ទាន់ Download កម្មវិធី Viber ទេ សូម​ចុច​ទីនេះ iOS / Android៕

អត្ថបទ៖ វិទូ