ស្វែងយល់ពីប្រព័ន្ធហ្វ្រាំងចម្លែកៗរបស់យន្តហោះ

2019-06-30 04:56:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តប្រហែលជាធ្លាប់មានចម្ងល់ហើយដែលថា តើយន្តហោះមានដំណើរការហ្រ្វាំងយ៉ាងណាទៅបើវាមានទម្ងន់រាប់សិបតោន និងមានល្បឿនរត់លើដីក៏លឿនយ៉ាងនេះ? បច្ចេកវិទ្យាហ្វ្រាំងយន្តហោះមានបែងចែកជា ៤ ប្រភេទធំៗ ៖

ហ្វ្រាំងថាស

ប្រតិបត្តិការអាស្រ័យលើសម្ពាធប្រេង ឬសម្ពាធឧស្ម័ន ដើម្បីរុញច្រានបន្ទះស្បែកហ្វ្រាំងទៅកៀបឲ្យកង់បន្ថយល្បឿន ខណៈហ្រ្វាំងប្រភេទដូចប្រព័ន្ធហ្វ្រាំងដែលប្រើក្នុងទោចក្រយានយន្ត ឬរថយន្តនានាដែរ។

ហ្រ្វាំងម៉ាស៊ីន

ដែលជាបច្ចេកវិទ្យារង្វិលស្លាបចក្រយន្តហោះឲ្យវិលបញ្ច្រាស់ ដើម្បីកាត់បន្ថយល្បឿនរបស់យន្តហោះ។

ហ្វ្រាំងខ្យល់

ហ្រ្វាំងប្រភេទនេះ គឺមានដំណើរការដោយយន្តហោះប្រើស្លាប និងកន្ទុយ បង្វិលទៅទិសដៅច្រាស់ខ្យល់ដែលអាចកាត់បន្ថយល្បឿនហោះ និងល្បឿនផ្លាស់ទីលើផ្លូវរត់បានយ៉ាងមានប្រសិទ្ធភាព។

ហ្វ្រាំងឆត្រយោង

យន្តហោះធម្មតា មិនសូវប្រើប្រាស់ហ្វ្រាំងប្រភេទនេះទេ ពោលគឺទាល់តែប្រភេទយន្តហោះប្រតិកម្ម ឬយានអវកាសតែប៉ុណ្ណោះ។ ដំណើរការនៃហ្វ្រាំងឆត្រយោង គឺមិនសូវស្មុគស្មាញនោះទេ ដែលយន្តហោះគ្រាន់តែបញ្ចេញឆត្រយោង នោះវានឹងកាត់បន្ថយល្បឿនលើផ្លូវរត់របស់យន្តហោះតែម្ដង។

ចំពោះហ្វ្រាំងឆត្រយោងនេះ ក៏ត្រូវគេដាក់ឲ្យប្រើប្រាស់នៅក្នុងរថយន្តប្រណាំងប្រភេទ F1 មួយចំនួនផងដែរ ព្រោះរថយន្តប្រភេទនេះមានល្បឿនដល់ទៅជាង ៤០០ គីឡូម៉ែត្រក្នុងមួយម៉ោង៕

វីដេអូប្រើហ្វ្រាំងយន្តហោះ