ចម្រូងចម្រាសការបែងចែកទ្រព្យគូស្នេហ៍ថៅកែ Amazon នឹងបញ្ចប់ត្រឹមសប្ដាហ៍នេះ

2019-07-03 01:28:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណោះស្រាយនៃការចែកទ្រព្យសម្បត្តិរវាងភាគីនៃលោក Jeff Bezos និងអ្នកស្រី MacKenzie Bezos ដែលធ្លាប់ជាអតីតគូស្វាមីភរិយា នឹងត្រូវបញ្ចប់នៅសប្តាហ៍ដំបូងនាខែកក្កដានេះ។

យោងតាមសារព័ត៌មាន Business Insider បានចុះផ្សាយថានាយកប្រតិបត្តិនៃក្រុមហ៊ុន Amazon គឺលោក Jeff Bezos កំពុងរៀបចំឯកសារបញ្ចប់ភាពរកាំរកូសជាមួយភរិយាខ្លួន ជុំវិញកំណត់ត្រាការលែងលះមានតម្លៃថ្លៃបំផុតក្នុងលោកយ៉ាងយូរត្រឹមចុងសប្តាហ៍នេះ។

ភាគីទាំងសងខាងបានប្រកាសពីការលែងលះកាលពីដើមខែមេសា ប៉ុន្តែបញ្ហាចែកទ្រព្យបានពន្យារពេលដោះស្រាយមកទល់ខែកក្កដា។ តាមប្រភព Bloomberg អ្នកស្រី MacKenzie រំពឹងនឹងទទួលបាន ២៥ ភាគរយនៃទ្រព្យសម្បត្តិសរុប ស្មើនឹង ៤ ភាគរយនៃភាគហ៊ុនរបស់ក្រុមហ៊ុន Amazon មានតម្លៃប្រមាណ ៣៨ ពាន់លានដុល្លារអាមេរិក។

ទំហំនៃទ្រព្យសម្បត្តិប៉ុណ្ណេះ អាចរុញច្រានឲ្យអ្នកស្រីក្លាយជាស្ត្រីលំដាប់ទី ៣ ដែលមានជាងគេបង្អស់ក្នុងលោក។ តាមការឲ្យដឹងកន្លងមក សម្រាប់ទ្រព្យដែលអ្នកស្រីទទួលបានក៏នឹងបរិច្ចាគមួយភាគធំទៅក្នុងការងារសប្បុរសធម៌និងកម្មវិធី "The Giving Pledge"។

សម្រាប់ភាគីខាងស្វាមីលោក Bezos រំពឹងទទួលបាន ១២ ភាគរយនៃភាគហ៊ុនសរុបរបស់ Amazon ដែលមានតម្លៃប្រមាណ ១១២ ពាន់លានដុល្លារអាមេរិក ខណៈលោកក៏នៅសេសសល់ទ្រព្យឯទៀតរួមបញ្ចូលទាំងភាគហ៊ុននៅក្រុមហ៊ុន Washington Post and Blue Origin។