ខេម ចាន់ សរសើរ ជី ឆៃលី ល្អទាត់ជើងក្រោម និងកណ្ដាប់ដៃ មុនប៉ះគ្នាយកលុយ ៤០០០ដុល្លារ

2019-07-03 03:14:36
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សគុនមកពីឆត្រយោង ៩១១ ខេម ចាន់ សរសើរកីឡាករ ជី ឆៃលី ថាវ៉ៃល្អ មិនថាកណ្ដាប់ដៃ ឬទាត់ជើងក្រោមនោះទេ មុនពួកគេត្រូវប៉ះគ្នាយកលេខ១-២ ដែលមានប្រាក់រង្វាន់រហូតដល់ ៤០០០ដុល្លារថ្ងៃសៅរ៍នេះ។

ជី ឆៃលី ពេលផ្ដួលដៃគូ

សិស្សប្អូន ឡៅ ស៊ីណាត រូបនេះបានឲ្យដឹងថា ខ្លួនមិនដែលបានជួបប្រកួតជាមួយកីឡាករ ជី ឆៃលី នាពេលកន្លងមកនោះទេ។ បើតាមមើលការប្រកួតរបស់ ជី ឆៃលី កន្លងមក ខេម ចាន់ ឃើញថាប្រកួតបានល្អ ជាពិសេសស្នៀតកណ្ដាប់ដៃ រួមនិងការទាត់ធ្ងន់ជើងក្រោម។

ជី ឆៃលី ពេលឈ្នះដៃគូ

ងាកមកនិយាយពីការហ្វឹកហាត់ត្រៀមវគ្គផ្ដាច់ព្រ័ត្រនេះវិញ អ្នកប្រដាល់មកពីឆត្រយោងខាងលើនេះ ចំណាយពេល២សប្ដាហ៍ពេញ ហាត់ផ្ដោតលើកម្លាំងស៊ុហ្វ និងបច្ចេកទេស។ ទន្ទឹមនិងនេះសម្រាប់ការប្រកួតវគ្គផ្ដាច់ព្រ័ត្រប៉ុន្មានថ្ងៃខាងមុន ខេម ចាន់ មិនទាន់ហ៊ាននិយាយថាសង្ឃឹម ឬមានប្រៀបនោះទេ ចាំមើលពេលប្រកួតជាក់ស្ដែងទៅ។

ខេម ចាន់(ខៀវ)

រំលឹកដែរថា កីឡាករ ខេម ចាន់ នឹងត្រូវតទល់ជាមួយកូនសិស្សលោក ធន់ សុភា គឺកីឡាករ ជី ឆៃលី នាថ្ងៃសៅរ៍ ទី៦ ខែកក្កដា ឆ្នាំ២០១៩ នៅសង្វៀន TV5 ដណ្ដើមរង្វាន់លេខ១-២ លើប្រភេទទម្ងន់ ៥៤គីឡូក្រាម។ សម្រាប់ម្ចាស់ជយលាភីលេខ១ នឹងទទួលបានប្រាក់រង្វាន់ ៤០០០ដុល្លារ៕

អត្ថបទ៖ នួន ស៊ីណា