មកស្គាល់ម៉ាស៊ីន ៤ ស៊ីឡាំង កម្លាំងខ្លាំងជាងគេក្នុងលោក

2019-07-03 06:58:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Mercedes-AMG បានបញ្ចេញព័ត៌មានបច្ចេកទេសលម្អិតអំពីម៉ាស៊ីន ៤ ស៊ីឡាំងថ្មីម៉ូដែល M139 ដែលជាម៉ាស៊ីនមានកម្លាំងខ្លាំងជាងគេនាពេលបច្ចុប្បន្ននេះ។ នេះបើមិនរាប់បញ្ចូលម៉ាស៊ីន Mitsubishi Lancer Evolution FX-440 MR ដែលអាចផលិតកម្លាំងបាន ៤៤០ សេះ ប៉ុន្តែមានផលិតត្រឹម ៤០ គ្រឿងផ្ដាច់មុខនៅចក្រភពអង់គ្លេសប៉ុណ្ណោះ។

ម៉ាស៊ីន Turbocharged ចំណុះ ២,០ លីត្រ ប្រើប្រាស់ស៊ីឡាំងបញ្ឈរ (Inline) អាចផលិតកម្លាំងបានរហូតដល់ ៤១៦ សេះ មានន័យថាចំណុះ ១,០ លីត្រ អាចបង្កើតកម្លាំងបាន ២០៨,៩ សេះឯណោះ។ កម្លាំងនេះធ្វើឲ្យវាក្លាយជាម៉ាស៊ីនខ្លាំងជាងគេ រាប់ក្នុងចំណោមម៉ាស៊ីន ៤ ស៊ីឡាំង។

ម៉ាស៊ីនថ្មីនេះដែរនឹងត្រូវបំពាក់លើរថយន្តប្រភេទតូចៗដូចជាម៉ូដែល A45, CLA45, GLA45 និង GLB45 ដែលនឹងប្រកាសចេញនាពេលឆាប់ៗខាងមុខនេះ។ ម៉ាស៊ីន M139 គឺផលិតឡើងដោយដៃមនុស្សផ្ទាល់នៅរោងចក្រផលិតម៉ាស៊ីន AMG ក្នុងតំបន់ Affalterbach ប្រទេសអាល្លឺម៉ង់៕

ចុចអាន៖

ប្រភព៖ Motor1 ប្រែសម្រួល៖ សុខហេង