អតិថិជន​អ្នក​គាំទ្រ​ផលិតផល Apple ​ប្រាកដ​ជា​ចងចាំ​យ៉ាង​ច្បាស់​ដោយ​រាល់​ iPhone ជំនាន់​ក្រោយ​របស់ Apple ទាំង​អស់​រមែង​ដាក់​បង្ហាញ​នៅ​អំឡុង​ខែ​កញ្ញា។ ប៉ុន្តែ​តាម​ការ​ព្យាករណ៍​របស់​គេហទំព័រ 9to5mac ​បាន​បង្ហាញ​នូវ​កាលបរិច្ឆេទ​ជាក់លាក់​មួយ។

+ពេល​ណា​ Apple ​ប្រកាស iPhone 11?

ខាង​ក្រោម​បង្ហាញ​ពី​កាលបរិឆ្ឆេទ​ចេញ​ផ្សាយ iPhone ​កាល​ពី​ប៉ុន្មាន​ឆ្នាំ​មុន៖

• ​ថ្ងៃ​ពុធ ទី ១២ ​កញ្ញា ឆ្នាំ ២០១៨
• ​ថ្ងៃ​អង្គារ ទី ១២ ​កញ្ញា ឆ្នាំ ២០១៧
• ​ថ្ងៃ​ពុធ ទី ៧ ​កញ្ញា ឆ្នាំ ២០១៦
• ​ថ្ងៃ​ពុធ ទី ៩ ​កញ្ញា ឆ្នាំ ២០១៥

ជាក់ស្តែង​នៅ​ប៉ុន្មាន​ឆ្នាំ​ចុង​ក្រោយ​នេះ Apple រមែង​ប្រកាស​បង្ហាញ iPhone ​ជំនាន់​ក្រោយ​នៅ​អំឡុង​ថ្ងៃ​អង្គារ​ឬ​ពុធ សប្តាហ៍​ទី​ពីរ​ប្រចាំ​ខែ​កញ្ញា។ សម្រាប់​ឆ្នាំ​នេះ​ត្រូវ​បាន​ប្រភព​ព្យាករណ៍​ថា​ក្រុមហ៊ុន​យក្ស​អាមេរិក​ក៏​នឹង​ធ្វើ​នៅ​អំឡុង​ថ្ងៃ​ទី ១០ ឬ ១១ ពោល​គឺ​ថ្ងៃ​ទី ១០ ​ប៉ះ​ថ្ងៃ​អង្គារ​មាន​ភាគរយ​ខ្ពស់​ជាង​សម្រាប់​ការ​បើក​ព្រឹត្តិការណ៍។

+ពេល​ណា Apple ចេញ​លក់ iPhone 11?

ដោយ​យើង​មិន​លម្អិត​ពី​កាលបរិច្ឆេទ​នៃ​ការ​បើក​ឲ្យ​កុម្ម៉ង់​ទិញ (Pre-Order) ដោយ​ខាង​ក្រោម​សង្ខេប​ពី​កាលបរិច្ឆេទ​ដាក់​លក់​ផ្លូវការ​នៅ​ប៉ុន្មាន​ឆ្នាំ​ចុង​ក្រោយ៖

• iPhone XS និង iPhone XS Max – ២១ ​កញ្ញា ២០១៨
• iPhone XR – ២៦ ​តុលា ២០១៨
• iPhone 8 និង iPhone 8 Plus - ​២២ ​កញ្ញា ២០១៧
• iPhone X – ៣ ​វិច្ឆិកា ២០១៧
• iPhone 7 និង iPhone 7 Plus – ១៦ ​កញ្ញា ២០១៦

មិន​និយាយ​ដល់​ការ​ពន្យាពេល​ចេញ​លក់ ដូច​ជំនាន់ iPhone X និង iPhone XR ​ជា​ការ​ពិត​ iPhone 11/11 Max ក៏​ដូច​ជា​នាឡិកា​ឆ្លាតវៃ Apple Watch Series 5 រំពឹង​នឹង​ចេញ​លក់​នៅ​ថ្ងៃ​សុក្រ​ ទី ២០ ​កញ្ញា ឆ្នាំ ២០១៩ (ទីផ្សារ​អាមេរិក)។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

• ប្រលងថ្នាក់ជាតិ សិស្សចិន លាក់សុទ្ធតែគ្រឿងអេឡិចត្រូនិកទុកបើកចាក់

• វីដេអូ​ស្តែងៗ ម៉ាក​ម៉ាស៊ីនត្រជាក់ល្បីៗអាច​​ច្នៃ​​បន្លំ​បាន

ប្រភព៖ 9to5Mac   ប្រែ​សម្រួល៖ កៅ រក្សា