វឌ្ឃនាកា៖ ទោះមិនមែនជាកីឡាករអាជីព តែអ្នកសៀមរាបលេងដោយឆន្ទៈ
- 2019-07-11 03:42:54
- ចំនួនមតិ 0 | ចំនួនចែករំលែក 0
វឌ្ឃនាកា៖ ទោះមិនមែនជាកីឡាករអាជីព តែអ្នកសៀមរាបលេងដោយឆន្ទៈ
ចន្លោះមិនឃើញ
កីឡាករឆ្នើមរបស់កម្ពុជា ចាន់ វឌ្ឃនាកា បាននិយាយលើកសរសើរក្រុមអ្នកខេត្តសៀមរាប ក្រោយពីបឹងកេតឈ្នះអ្នកខេត្តនេះក្នុងលទ្ធផល៣-០ កាលពីម្សិលមិញនេះ។
«ពួកគាត់លេងដោយឆន្ទៈ ទោះបីពួកគាត់មិនមែនជាកីឡាករអាជីព តែពួកគាត់លេងពិតជាមានការគិតនិងឆន្ទៈតំណាងឲ្យខេត្ត ដោយមិនបោះបង់។» ។ សម្ដី ចាន់ វឌ្ឍនាកា ។ រូបគេបានបន្ថែមទៀតថា រូបគេក៏ដូចក្រុមទាំងមូលពិតជាសប្បាយរីករាយដោយបានឱកាសបន្តទៅប្រកួតវគ្គ៨ក្រុមបន្តទៀត។
លោក ហៅ សុជាតិ គ្រូបង្វឹករបស់ក្រុម បឹងកេត ក៏បាននិយាយដែរថា៖ «យើងសប្បាយចិត្តដែលទទួលបានជ័យជម្នះ តែយើងមិនសប្បាយចិត្តសម្រាប់លទ្ធផល៣-០ នេះទេ ដោយសារយើងគិតថា យើងនឹងទទួលបានគ្រាប់បាល់ច្រើនជាងនេះ។ បញ្ហានោះគឺពាក់ព័ន្ធនិងកីឡាករយើងមួយចំនួនថ្មី ហើយយុវជនយើងមួយចំនួនក៏មិនសូវបានលេង។ យើងមាន វឌ្ឃនាកា ខ្សែប្រយុទ្ធល្អ តែការបញ្ជូនបាល់ពីតំបន់កណ្ដាលមិនបានល្អ »។
រំលឹកដែរថា ៣គ្រាប់របស់ បឹងកេត រកបានក្នុងវគ្គទី១ ដោយកីឡាករ ម៉ុន វ៉ានដា នាទី៥ គ្រាប់ទី២ ដោយ កីឡាករ ជា វេសលី នាទី៧ និងគ្រាប់ទី៣ ដោយ ចាន់ វឌ្ឃនាកា នៅនាទី១៤៕