ណែនាំឲ្យស្គាល់យុវជនកម្ពុជាក្រោម ជាម្ចាស់ដើមបទ "ស្រឡាញ់គ្នាយូរម៉េចស្ទាវ" ដ៏ល្បី

2019-07-11 04:35:47
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្មីៗនេះ មានដំណឹងយុវជនមកពីកម្ពុជាក្រោមម្នាក់ឈ្មោះ ខាន់ ស៊ីអឿន គឺជាម្ចាស់ដើមបទ "ស្រឡាញ់គ្នាយូរម៉េចស្ទាវ" ខណៈដែលបទដូចគ្នានេះ ត្រូវបានចេញដោយសាន់ដេ និងច្រៀងដោយតារាចម្រៀង វីរៈ និច្ច។

ដំណឹងនេះ ក្រោយពីបទចង្វាក់រាំលេងសប្បាយៗមួយបទនេះ ទទួលបានការពេញនិយមច្រើនពីសំណាក់អ្នកស្ដាប់ ដែលភាគច្រើនជាយុវវ័យ។ បញ្ហានេះ ប្រភពសុំមិនបញ្ចេញឈ្មោះ ដែលជាបុគ្គលិកស្ថានីយទូរទស្សន៍ក្នុងស្រុកមួយផង បានអះអាង ជួសយុវជនមកពីកម្ពុជាក្រោមថា រូបគេ គឺជាម្ចាស់បទ "ស្រឡាញ់គ្នាយូរម៉េចស្ទាវ"។

“តាមពិតបទហ្នឹង គឺជាបទរបស់គាត់បង ដោយឡែក គេឃើញតារាចម្រៀងខ្លះយកទៅច្រៀងនោះ គឺគាត់គ្រាន់តែច្រៀង Cover ទេ!”។ សុជាតា ថ្លែង។ ជុំវិញការចេញមកមុខអះអាងពីភាពជាម្ចាស់បទចម្រៀងខាងលើ ដោយសារតែកន្លងមក មិនសូវមានអ្នកដឹងថា ស៊ីអឿន គឺជាម្ចាស់បទល្បីនេះហើយ។ បញ្ហាដោយសារតែលោក មិនសូវបានជួបជជែកជាមួយសារព័ត៌មានផង។

ជុំវិញបញ្ហានេះ អ្នកតំណាងដដែលបញ្ជាក់ថា ខាន់ ស៊ីអឿន មិនបានចេញមុខដោយផ្ទាល់ ដោយសារលោកហាក់មិនទាន់មានទម្លាប់ជជែកដោយផ្ទាល់ជាមួយសារព័ត៌មាន ផ្សំនឹងកន្លងមក មិនដែលមានសារព័ត៌មានណាសម្ភាសន៍លោកផង។ យុវជនវ័យជាង ២០ឆ្នាំរូបនេះ មានដើមកំណើតនៅកម្ពុជាក្រោម ប៉ុន្តែរូបគេបានមកសិក្សារៀនសូត្រនៅសាកលវិទ្យាល័យភូមិន្ទភ្នំពេញ ជំនាញ "អក្សរសាស្ត្រខ្មែរ" និងទើបតែបញ្ចប់ថ្នាក់បរិញ្ញាបត្រថ្មីៗ។

ដោយសារនិស្ស័យចូលចិត្តធ្វើបទចម្រៀង លោក ស៊ីអឿន និងមិត្តភ័ក្ដិក៏បានធ្វើបទ "ស្រឡាញ់គ្នាយូរម៉េចស្ទាវ" នេះឡើងបង្ហោះទៅក្នុង យូធូប។ រឿងនឹកស្មានមិនដល់ គឺបទនេះមានការគាំទ្រខ្លាំង។ ដូច្នេះហើយ ស៊ីអឿន ក៏បន្តធ្វើបទ Original Song បានប៉ុន្មានបទទៀតមាន៖ បទ "គ្មានវាសនា" “អាពួកម៉ាកខ្ញុំ" និងបទ “ជិះក្របី។ សុជាតិ បញ្ជាក់ថា តាមការអះអាងរបស់ ខាន់ ស៊ីអឿន ប្រសិនបើនៅតែមានការគាំទ្រ លោក នឹងនៅតែបន្តធ្វើ Original Song បន្តទៀត។

ទន្ទឹមនឹងទទួលបានការពេញនិយមតាមរយៈបទខាងលើ ខាន់ ស៊ីអឿន ក៏ត្រូវបានគេស្គាល់ច្រើន ជាហេតុធ្វើឲ្យការងារសិល្បៈរបស់លោក កាន់តែរឿងចម្រើនដែរ ដោយលោកត្រូវម្ចាស់កម្មវិធីមួយចំនួនបានហៅលោកទៅច្រៀង។ ជាក់ស្ដែងលោក ទើបនឹងច្រៀងក្នុងពិព័រណ៍អាពាហ៍ពិពាហ៍នៅអ៊ីអនរួចរាល់ដែរ៕

ទស្សនា និងស្ដាប់បទ "ស្រឡាញ់គ្នាយូរម៉េចស្ទាវ" របស់ ស៊ីអឿន ទាំងអស់គ្នា!!!