ដឹកចេញបណ្តើរៗ តិចទៀតលែងមាន iPhone 'Made In China' ចូលដីអឺរ៉ុបហើយ
- 2019-07-15 01:01:59
- ចំនួនមតិ 0 | ចំនួនចែករំលែក 0
ដឹកចេញបណ្តើរៗ តិចទៀតលែងមាន iPhone 'Made In China' ចូលដីអឺរ៉ុបហើយ
ចន្លោះមិនឃើញ
ក្រុមហ៊ុន Apple បានចាប់ផ្តើមដឹកជញ្ជូនចេញនូវ iPhone ដែលដំឡើងក្នុងប្រទេសឥណ្ឌា (Made in India) ចូលក្នុងទីផ្សារតំបន់អឺរ៉ុបហើយ។ នេះបើតាមរបាយការណ៍ Economic Times បានចុះផ្សាយ។
ប្រភពបានឲ្យដឹងថា iPhone ដែលដំឡើងនៅទីផ្សារឥណ្ឌាជាច្រើនបាននឹងកំពុងហោះចូលប្រទេសមួយចំនួនក្នុងតំបន់អឺរ៉ុប ដែលនេះជាកិច្ចជំរុញផែនការណ៍នៃការនាំចេញមួយផ្នែកថែមទៀតរបស់រដ្ឋាភិបាលឥណ្ឌា។
Wistron ជាក្រុមហ៊ុនដំបូងដែលបានរៀបចំដំឡើង iPhone កាលពីឆ្នាំ ២០១៦ នៅប្រទេសឥណ្ឌា បានក្លាយជាដៃគូសហការរបស់ Apple ដំបូង ដែលបានដឹកជញ្ជូនចេញ iPhone ពីរោងចក្រនៅទីក្រុង Bengaluru។ ប្រធានផ្នែកស្រាវជ្រាវរបស់ Counterpoint Research លោក Neil Shah បាននិយាយថា៖ "iPhone 6s និង iPhone 7 បាននឹងកំពុងដឹកជញ្ជូនចេញទៅទីផ្សារអឺរ៉ុបក្រោម ១ សែនគ្រឿងក្នុងរយៈពេលមួយខែ ដោយនេះចាប់ផ្តើមតាំងពីប៉ុន្មានខែមុនមកម្ល៉េះ"។
ប្រភពផ្សេងទៀតចេញពីនាយកជាន់ខ្ពស់ក្នុងឧស្សាហកម្មនោះផ្ទាល់បានបង្ហើបថាមានប្រមាណ ៧០-៨០ ភាគរយនៃតួលេខនាំចេញសរុបចេញពីប្រទេសឥណ្ឌា ខណៈមាន ១៥ ទៅ ៣០ ភាគរយ Apple យកចេញពីប្រទេសចិន ដឹកចេញទៅកាន់ទីផ្សារប៉ែកអាស៊ីអាគ្នេយ៍។
បញ្ជាក់ថានេះក៏ជាដំណោះស្រាយដ៏ល្អមួយដែល Apple គួរតែពិចារណា ជួនពេលដែលភាពរកាំរកូសរវាងសហរដ្ឋអាមេរិក-ចិន មិនទាន់រកឃើញដំណោះស្រាយសមស្របណាមួយនៅឡើយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
សើរើរឿងចាស់ Facebook ត្រូវគណៈកម្មាធិការ FTC ពិន័យ ៥ ពាន់លានដុល្លារឥតអំពើ
HongMeng មិនមែនជាប្រតិបត្តិការសម្រាប់ប្រើលើស្មាតហ្វូននោះទេ