ចេញ​រូបរាង​ម៉ូតូ Honda X-ADV 150 តម្លៃអាចធូរជាង PCX

  • 2019-07-18 03:07:53
  • ចំនួនមតិ 0 | ចំនួនចែករំលែក 0

ចន្លោះមិនឃើញ

រូបរាង​របស់​ម៉ូតូ​អូតូ Honda X-ADV 150 បាន​លេច​ចេញ​លើ​អ៊ីនធឺណិត ដែល​ម៉ូតូ​នេះ​​រំពឹង​ថា​នឹង​ប្រកាស​ចេញ​ក្នុង​កម្មវិធី​តាំង​បង្ហាញ​យានយន្ត​ GIIAS ឆ្នាំ ២០១៩ នៅ​ប្រទេស​ឥណ្ឌូណេស៊ី ដែល​ប្រព្រឹត្ត​ទៅ​ពី​ថ្ងៃ​ទី ១៨ ដល់ ២៨ កក្កដា។

រូបភាព​បាន​បង្ហាញ​ថា​វា​មាន​រូបរាង​ស្រដៀង​នឹង​ Honda X-ADV 750 ដែល​លក់​លើ​ទីផ្សារ​បរទេស​ក្នុង​តម្លៃ​​ខ្ទង់ ១ ម៉ឺន​ដុល្លារ។ ហើយ​រូបរាង​របស់​វា​ខុស​ពី Honda PCX ដែល​មាន​រូបរាង​មូលៗ ត្បិត​ថា​ប្រើ​ប្រាស់​ម៉ាស៊ីន​ដូច​គ្នា​ក្ដី។

​ម៉ាស៊ីន​របស់​ Honda X-ADV 150 គឺ​មាន​ចំណុះ ១៤៨ សេសេ ជា​ម៉ូដែល eSP មាន​បំពាក់​បច្ចេកវិទ្យា​​ប្រព័ន្ធ​ប៊ិច PGM-FI ដែល​​បង្កើត​កម្លាំង​បាន​ខ្លាំង និង​សន្សំសំចៃ​ប្រេង​ឥន្ធនៈ​បាន​យ៉ាង​ល្អ។ ម៉ូតូ​ម៉ូដែល​ថ្មី​​នេះ នឹង​​បញ្ចេញ​លក់​លើ​ទីផ្សារ​ធំៗ​ពីរ​មុន​គេ គឺ​ឥណ្ឌូណេស៊ី និង ថៃ​ហើយ​តម្លៃ​វា​នឹង​ថ្លៃ​ជាង Yamaha NMAX ដែល​គូ​ប្រជែង ប៉ុន្តែ​ធូរ​ថ្លៃ​ជាង Honda PCX។ នេះ​បើ​តាម​ប្រភព​ពី Honda៕

ចុចអាន៖

ប្រភព៖ Great Biker   ប្រែ​សម្រួល៖ សុខហេង

អត្ថបទពេញនិយម
អត្ថបទថ្មី