Marvel បង្ហាញភាពយន្តថ្មីចំនួន ៥ សម្រាប់បញ្ចាំងពីឆ្នាំ ២០២០ ដល់ ២០២១

2019-07-21 03:32:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកម្មវិធី Comic-Con ដែលធ្វើឡើងកាលពីថ្ងៃសៅរ៍ លោក Kevin Feige បានបង្ហាញអំពីដំណឹងផ្លូវការជុំវិញ Phase 4 (ដំណាក់កាលទីបួន) នៃសែស្រឡាយភាពយន្តក្នុងពិភព MCU។ កាលវិភាគនៃ Phase 4 របស់ Marvel មានដូចខាងក្រោមនេះ ៖

ថ្ងៃទី ១ ឧសភា ឆ្នាំ ២០២០ ៖ Black Widow

ការចុះផ្សាយរបស់ Hollywood Reporter កាលពីខែកក្កដាឆ្នាំមុន បានឲ្យដឹងថា Cate Shortland នឹងជាអ្នកដឹកនាំរឿងទោលរបស់ Black Widow ដែលក្នុងរឿងនេះរៀបរាប់អំពីរឿងរ៉ាវកើតមានមុនព្រឹត្តិការណ៍នៃ “The Avengers” ឆ្នាំ ២០១២។

ថ្ងៃទី ៦ ខែវិច្ឆិកា ២០២០ ៖ The Eternals

ភាពយន្តនេះនឹងមានបង្ហាញមុខតួអង្គថ្មីៗជាច្រើន មិនធ្លាប់លេខមុខក្នុង MCU នាពេលកន្លងមក ដែលមានដូចជា Angelina Jolie, Richard Madden, Kumail Nanjiani, Lauren Ridloff, Brian Tyree Henry, Salma Hayek និង Don Lee ជាដើម។

ថ្ងៃទី ១២ ខែកុម្ភៈ ២០២១ ៖ Shang-Chi and the Legend of the Ten Rings

Simu Liu

Destin Daniel Cretton នឹងជាអ្នកដឹកនាំភាពយន្តមួយនេះ ដែលមានដើរតួដោយ Simu Liu, Awkwafina និង Tony Leung ផងដែរ។

ថ្ងៃទី ៧ ខែឧសភា ២០២១ ៖ ភាពយន្ត Doctor Strange and Multiverse of Madness

អ្នកដឹកនាំវគ្គដំបូងនៃ "Doctor Strange” បានវិលត្រឡប់មកវិញដើម្បីដឹកនាំវគ្គថ្មី ហើយលោកបាននិយាយថានឹងផលិតភាពយន្តបែបរន្ធត់ដំបូងរបស់ MCU។ Benedict Cumberbatch នឹងត្រឡប់មកដើរតួជា Doctor Strange វិញ ហើយក៏មានវត្តមាន Scarlet Witch សម្ដែងដោយ Elizabeth Olsen ផងដែរ។

ថ្ងៃ ៥ វិច្ឆិកា ២០២១ ៖ ភាពយន្ត Thor: Love and Thunder

Chris Hemsworth ទទួលបានការថតភាពយន្ត "Thor” វគ្គទីបួន ដែលនឹងដឹកនាំការថតដោយលោក Taika Waititi ដែលជាអ្នកដឹកនាំកាលពីវគ្គ "Thor: Ragnarok”។ Tessa Thompson ក៏នឹងវិលត្រឡប់មកដើរតួ Valkyrie ហើយក៏លេចចេញវត្តមាន Natalie Portman ម្ដងទៀតផងដែរ។

ក្រៅពីភាពយន្តខ្នាតធំ លោក Kevin Feige ក៏បាននិយាយអំពីភាពយន្តជាស៊េរីសម្រាប់ចាក់បញ្ចាំងលើសេវាកម្ម Disney Plus ផងដែរ ដែលមានដូចជា ៖ Falcon and the Winter Soldier, WandaVision និងភាពយន្តជាស៊េរីរបស់ Loki ដើរតួដោយ Tom Hilddleston ជាដើម៕

ចុចអាន ៖

ប្រភព៖ Insider ប្រែសម្រួល៖ សុខហេង