ខ្លាំងមែន! ស្វាយរៀង បំបាក់ភ្នំពេញក្រោន មុខអ្នកគាំទ្រជិត៦ពាន់នាក់ បន្ដមិនចាញ់១៧ប្រកួត

2019-07-28 12:57:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមព្រះខ័នរាជស្វាយរៀងនៅតែបន្ដកំណត់ត្រាមិនចាញ់របស់ខ្លួនបានទៀតក្នុងសប្ដាហ៍ទី១៧នេះ ដោយយកឈ្នះក្រុមម្ចាស់ផ្ទះភ្នំពេញក្រោន ៥-២។

សម្រាប់ការប្រកួតនេះ បើកឆាកដំបូងក្រុមម្ចាស់ផ្ទះក្រោនជាអ្នកនាំមុខមុន ប៉ុន្តែការនាំមុខនេះមិនធានាបានយូរឡើយ ក៏ត្រូវក្រុមស្វាយរៀងតាមបានស្មើ និងជិតចប់តង់១នេះ ក៏ត្រូវក្រុមភ្ញៀវនាំមុខវិញ ១-២។ ចូលដល់តង់ទី២ ក្រុមរបស់លោក Conor កាន់តែធ្វើបានល្អថែមទៀត ដោយស្វែងរកគ្រាប់បាល់បានជាបន្ដបន្ទាប់១គ្រាប់ហើយ១គ្រាប់ទៀត រហូតយកជ័យជម្នះបានក្នុងលទ្ធផល ២-៥។

ជ័យជម្នះនេះ ក្រៅពីធ្វើឱ្យស្វាយរៀងឈកំពូលតារាងហើយ ក៏ជាកំណត់ត្រាមួយល្អសម្រាប់ក្រុមមួយនេះដែរ ដោយមិនទាន់ស្គាល់ពាក្យចាញ់សោះ១៧ប្រកួតមកនេះក្នុងលីគកំពូលកម្ពុជា។ ខណៈដែលការប្រកួតនេះទៀតសោត គឺមានអ្នកគាំទ្រចូលពេញខ្លាំងតែម្ដង រហូតដល់ទៅជិត៦ពាន់នាក់ឯណោះ៕

រូបភាព៖ សូវៀត

អត្ថបទ៖ មុន្នីរម្យ