vivo S1 ទើបតែចេញលក់ជាផ្លូវការបានពីរថ្ងៃ ទទួលបានការគាំទ្រខ្លាំងរហូតដល់អស់ពីស្តុក

2019-07-29 09:21:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបានបង្ហាញវត្តមានជាផ្លូវការនៅក្នុងទីផ្សារប្រទេសកម្ពុជា និងបានប្រកាសចេញលក់ចំនួនពីរថ្ងៃរួចមក ស្មាតហ្វូន vivo S1 ត្រូវបានក្រុមហ៊ុន vivo បញ្ជាក់ថា ទទួលបានការគាំទ្រខ្លាំងពីសំណាក់អ្នកប្រើប្រាស់នៅកម្ពុជា ដោយគិតត្រឹមថ្ងៃនេះ គឺមានការលក់រហូតដល់អស់ពីស្តុកបាត់ទៅហើយ។ នេះបញ្ជាក់ថា vivo S1 ពិតជាអាចទាក់ទាញចិត្តអ្នកប្រើប្រាស់ខ្លាំងមែនទែន ទាំងរូបរាង សមត្ថភាព ក៏ដូចជាតម្លៃ និងកញ្ចប់ប្រូម៉ូសិន។

គួរបញ្ជាក់ថា ស្មាតហ្វូន vivo S1 គឺជាស្មាតហ្វូនត្រកូល S-Series ដែលមានភ្ជាប់ជាមួយនឹងស្លាកសញ្ញាថា "Unlock Your Style" ដែលតំណាងឱ្យគោលដៅរបស់អតិថិជនវ័យក្មេង ដែលមានថាមពលខ្លាំង ទាន់សម័យ និងតែងតែដើរទាន់និន្នាការចុងក្រោយបំផុត ដែលកំពុងតែមានការពេញនិយមបំផុត។

vivo S1 នេះមានលក្ខណៈពិសេសជាច្រើនដូចជា ប្រព័ន្ធស្កេនស្នាមម្រាមដៃក្រោមអេក្រង់ កាមេរ៉ាខាងមុខ Selfie មានទំហំ 32MP ថាមពលថ្មធំ 4500mAh ជាមួយនឹងបច្ចេកវិទ្យា Dual-Engine Fast Charging។

កាមេរ៉ាខាងក្រោយ AI ចំនួន 3 គ្រាប់ និងការរចនាម៉ូដដ៏ទាន់សម័យជាមួយនឹង ២ ពណ៌សម្រាប់ធ្វើការជ្រើសរើស គឺពណ៌ខ្មៅ Diamond Blackនិងពណ៌ខៀវ Skyline Blue។ ស្មាតហ្វូននេះក៏មានរ៉េមទំហំ 6GB និងម៉េមូរីក្នុងម៉ាស៊ីនទំហំ 128GB ដែលងាយស្រួលក្នុងការរក្សាទុកនូវវីដេអូ តន្ត្រី និងរូបភាពថែមទៀតផង។

ស្មាតហ្វូនស៊េរីថ្មី vivo S1 នេះ ភ្ជាប់ជាមួយនឹងអេក្រង់ពេញគែម Super Amoled Ultra All Screen។ អេក្រង់នេះមានទំហំ ៦,៣៨ អ៊ីញ FHD+ កម្រិតភាពច្បាស់ 1080×2340 កម្រិត aspect ratio 19.5: 9 និងវិមាត្រអេក្រង់ជាមួយនឹងតួខ្លួនរបស់វាគឺមានដល់ទៅ ៩០% ដែលធ្វើឲ្យ vivo S1 នេះគឺអស្ចារ្យបំផុតក្នុងការប្រើប្រាស់នៅពេលដែលទស្សនាទៅលើវីដេអូ ឬនៅលើបណ្ដាញទំនាក់ទំនងសង្គម។

ដើម្បីជាការឆ្លើយតបទៅនឹងតម្រូវការបន្ថែមសម្រាប់អតិថិជនដែលជាអ្នកគាំទ្រស្មាតហ្វូន vivo S1 ថ្មីនេះ ក្រុមហ៊ុន vivo ប្រចាំនៅប្រទេសកម្ពុជា បានប្រកាសថា ស្តុកថ្មីសម្រាប់ស្មាតហ្វូន vivo នឹងចាប់ផ្តើមចូលថ្មីនៅដើមខែសីហាខាងមុខនេះ។ ដូច្នេះហើយសម្រាប់អ្នកដែលមិនបានទិញស្មាតហ្វូននេះកាលពីសប្ដាហ៍មុននោះ អាចធ្វើការកក់ទុកមុនស្មាតហ្វូនថ្មីនេះបាន។ សម្រាប់ព័ត៌មានបន្ថែមសូមទំនាក់ទំនងក្រុមហ៊ុន vivo ឬចូលទៅកាន់ Page ផ្លូវការរបស់ក្រុមហ៊ុន vivo Cambodia ដើម្បីទទួលបានព័ត៌មានជាក់លាក់៕

អត្ថបទ៖ សុខហេង