ចេញពិន្ទុវាយតម្លៃបន្ទះឈីបថ្មី Snapdragon 865 អាចឈ្នះឈីប A12 លើ iPhone XS Max

2019-08-12 01:26:24
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅឆ្នាំ ២០១៩ នេះក្រុមហ៊ុន Qualcomm បានប្រកាសផ្សាយនូវបន្ទះឈីបជំនាន់ចុងក្រោយ Snapdragon 855+ ដែលសព្វថ្ងៃមានចេញផ្សាយជាមួយស្មាតហ្វូនធុនធ្ងន់ប៉ុន្មានម៉ូឌែល និងរំពឹងប្រកាសបន្តទៀតលើស្មាតហ្វូនក្នុងពេលខាងមុខ។

ក្រុមហ៊ុនផលិតបន្ទះឈីបរបស់អាមេរិកក៏នៅតែបន្តអភិវឌ្ឍសេរ៊ីក្រោយមួយផ្សេងទៀតប្រើប្រាស់ឈ្មោះ 'Kona' ដែលត្រូវបានជឿជាក់ថាជាឈីប Snapdragon 865 ហើយចំពោះការវាយតម្លៃពិន្ទុលើ Single-core ទទួលបាន ៤ ១៤៩ ពិន្ទុនិង Multi-core ទទួលបាន ១២ ៩១៥ ពិន្ទុ។

ការវាយតម្លៃនេះតេស្តឡើងលើម៉ាស៊ីនដែលប្រើប្រាស់ RAM ទំហំ 6GB រត់លើប្រព័ន្ធប្រតិបត្តិ Android 10 និងមានអង្គគណនាល្បឿន ១,៨០GHz។ ប៉ុន្តែពិន្ទុនេះយកឈ្នះលើស្មាតហ្វូនម៉ូឌែលណាៗទាំងអស់ រួមបញ្ចូលទាំង iPhone XS Max (Multi-core បាន ១១ ២១៧ ពិន្ទុ) របស់ Apple ផងដែរ។

តាមចចាមអារ៉ាមបន្ទះឈីប Snapdragon 856 រំពឹងនឹងបំពាក់លើស្មាតហ្វូនសេរ៊ីក្រោយៗសម្រាប់ឆ្នាំ ២០២០៕

អានអត្ថបទ:

ប្រភព៖ techxcite ប្រែសម្រួល៖ កៅ រក្សា