Galaxy A10s ចេញលើទីផ្សារ មានថ្មទំហំ ៤០០០ mAh

2019-08-13 01:50:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនត្រកូល Galaxy A ហាក់ទទួលបានភាពជោគជ័យគួរសមសម្រាប់ឆ្នាំ ២០១៩ នេះ ដោយក្រុមហ៊ុនយក្សកូរ៉េខាងត្បូងក៏នៅតែបន្តចេញផ្សាយជំនាន់ថ្មីមួយម៉ូឌែលទៀតគឺ Galaxy A10s។ វិវត្តនូវមុខងារថ្មីច្រើន ជាមួយការបំពាក់ថាមពលថ្មធំ និងទ្រនាប់ស្កេនខ្ចៅដៃនៅខាងក្រោយដែលនេះសុទ្ធសឹងជាចន្លោះប្រហោងខកខានមានលើ A10។

A10s បំពាក់អេក្រង់ IPS ប្រភេទ Infinity-V ទំហំ ៦,២ អ៊ីញ មានកម្រិតបង្ហាញ ៧២០x១ ៥២០ ភីកសែល ដោយបំពាក់នូវអង្គគណនា CPU Octa-core (៤ cores រត់នៅល្បឿន ២,០GHz និង ៤ cores រត់នៅល្បឿន ១,៥GHz) បន្សំនឹង RAM 2GB បូកអង្គផ្ទុក 32GB គាំទ្រការបន្ថែម microSD ពីខាងក្រៅ។

ផ្នែកកាមេរ៉ាក្រោយភ្លោះទំហំ 13MP (f/1.8) + 2MP (Depth Sensor) និងខាងមុខបន្សល់ទុកកាមេរ៉ាមុខទំហំ 8MP មាន Aperture f/2.0 គាំទ្រមុខងារស្កេនផ្ទៃមុខដោះសោទៀតផង។ ថាមពលថ្មធំ ៤ ០០០mAh រត់លើប្រព័ន្ធ Android 9.0 Pie និង One UI ជំនាន់ចុងក្រោយ។ ចំពោះតម្លៃនិងកាលបរិច្ឆេទដាក់លក់ មិនទាន់ត្រូវបានក្រុមហ៊ុនបង្ហើបប្រាប់នោះឡើយ។