ស្មាតហ្វូន Samsung ឆ្នាំក្រោយអាចប្រើថ្មថ្មី មិនងាយផ្ទុះ សាកកន្លះម៉ោងពេញ

2019-08-14 04:11:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Evan Blass បានបង្ហើបដំណឹងថ្មីលើ Twitter ថា Samsung ជិតបានសម្រេចក្នុងការផលិតនូវបច្ចេកវិទ្យាថ្មទូរសព្ទថ្មី ដែលធ្វើពីសារធាតុក្រាហ្វីន (graphene) ដើម្បីជំនួសប្រភេទថ្ម Li-ion ដែលបានប្រើប្រាស់នៅលើទូរសព្ទប៉ុន្មានទសវត្សមកហើយ។

ប្រភេទថ្មធ្វើពីក្រាហ្វីននេះផ្តល់គុណសម្បត្តិជាច្រើនដូចជា សាកលឿន ស្តើងស្រាល ពត់បាន ផ្ទុកថ្មបានធំ និងអាចរក្សាសីតុណ្ហភាពឲ្យនៅថេរ ក្រោមកម្តៅក្ដៅ មិនងាយផ្ទុះ។ ខុសពីថ្មប្រភេទ Li-ion ដែលងាយនឹងផ្ទុះនិងធ្លាក់គុណភាពពេលប្រើប្រាស់យូរ។

Evan បានបញ្ជាក់ថា Samsung រំពឹងថានឹងអាចបញ្ចេញបច្ចេកវិទ្យាថ្មីនេះនៅលើទូរសព្ទនៅឆ្នាំក្រោយឬ ២០២១ ដែលមានសមត្ថភាពក្នុងការសាកថ្មឲ្យពេញ ចំណាយពេលត្រឹមតែកន្លះម៉ោង។

ថ្មប្រភេទក្រាហ្វីននេះ មិនមែនជាបច្ចេកវិទ្យាថ្មីឡើយ មានក្រុមហ៊ុនជាច្រើនដូចជា Panasonic, Huawei... ដែលបានខិតខំជាច្រើនឆ្នាំ ដើម្បីធ្វើឲ្យបច្ចេកវិទ្យាបានដល់ដៃអ្នកប្រើប្រាស់។ ប្រសិនជា Samsung អាចបញ្ចេញថ្មប្រភេទនេះបានមែន យើងអាចនឹងឃើញថ្ម ដែលអាចពត់បាន ហើយទូរសព្ទថ្មីនឹងអាចមានទំហំថ្មធំជាងមុន៕

អានបន្ត ៖ ស្មាតហ្វូនតម្លៃធូរ ជួយឲ្យ Samsung ឡើងកូដខ្លាំងនៅទីផ្សារអឺរ៉ុប

ប្រភព៖ Androidauthority ប្រែសម្រួល៖ អ៊ឹម ដេវីដ