ស្មាតហ្វូនតម្លៃធូរ ជួយឲ្យ Samsung ឡើងកូដខ្លាំងនៅទីផ្សារអឺរ៉ុប

2019-08-13 03:30:02
ចំនួនមតិ 0 | ចំនួនចែករំលែក 0

ចន្លោះមិនឃើញ

Canalys មានរបាយការណ៍ថ្មី បង្ហាញអំពីស្ថានភាពស្មាតហ្វូននៅលើទីផ្សារអឺរ៉ុបប្រចាំត្រីមាសទី ២ ឆ្នាំ ២០១៩ ដែលគេឃើញថា Samsung បានកើនឡើងចំនួនលក់ច្រើន តាមរយៈការបញ្ចេញលក់ស្មាតហ្វូន Galaxy A ដែលមានតម្លៃធូរ។

ស្មាតហ្វូនលក់ដាច់ជាងគេទាំង ៥ នៅអឺរ៉ុប គឺមានម៉ូដែល Galaxy A50 លក់បាន ៣,២ លានគ្រឿង ម៉ូដែល A40 លក់បាន ២,២ លានគ្រឿង ម៉ូដែល Redmi Note 7 លក់បាន ២,០ លានគ្រឿង ម៉ូដែល Galaxy A20e លក់បាន ១,៩ លានគ្រឿង និង iPhone XR លក់បាន ១,៨ លានគ្រឿង។

Samsung ក្ដោបក្ដាប់ទីផ្សារធំជាងគេ ដោយលក់ស្មាតហ្វូនបាន ១៨,៣ លានគ្រឿង កាន់កាប់ទីផ្សារ ៤០,៦% ដែលកើនឡើង ២០% បើធៀបនឹងពេលដូចគ្នាកាលឆ្នាំមុន។ Huawei ឈរលេខពីរជាមួយចំនួនលក់ ៨,៥ លានគ្រឿង ក្ដោបក្ដាប់ទីផ្សារ ១៨,៨% ថយចុះ ១៦%។ លេខ ៣ បានលើ Apple មានទីផ្សារ ១៤,១% លក់បាន ៦,៤ លានគ្រឿង ថយចុះ ១៧%។

Xiaomi ម៉ាកទូរសព្ទចិន សង្កេតឃើញថាមានកំណើនខ្លាំងនៅត្រីមាសទី ២ ឆ្នាំ ២០១៩ ដែលកើនឡើងចំនួនលក់ ៤៨% ខណៈដែលម៉ាកទូរសព្ទ Nokia ធ្លាក់ចុះចំនួនលក់ ១៨%។ គិតជារួមទីផ្សារស្មាតហ្វូននៅអឺរ៉ុប មិនមានការប្រែប្រួលខ្លាំងឡើយ បើធៀបនឹងឆ្នាំមុន៕

ចុចអាន៖

ប្រភព៖ PhoneArena ប្រែសម្រួល៖ សុខហេង