ONE Championship បាន​សម្រេច​រៀបចំ​ព្រឹត្តិការណ៍​ប្រកួត​លើ​ទឹកដី​ប្រទេស​វៀតណាម ជា​លើក​ដំបូង​ក្នុងប្រវត្តិសាស្រ្ដ​របស់​ខ្លួន នា​ថ្ងៃទី៦ ខែកញ្ញា​ខាងមុខ​នេះ នៅ​ទីក្រុង​ហូជីមិញ។

នៅ​ក្នុង​សេចក្ដី​ប្រកាស​ព័ត៌មាន​នា​ថ្ងៃទី១៤ ខែសីហានេះ ONE បាន​បង្ហាញ​ឈ្មោះ​គូប្រកួតបឋម ចំនួន ៨គូ ក្នុងព្រឹត្តិការណ៍​ដែល​មាន​ឈ្មោះថា ONE: IMMORTAL TRIUMPH នោះ។ អ្វីដែល​គួរ​ឲ្យ​កត់សម្គាល់ គឺក្នុងចំណោម ៨គូ សុទ្ធ​តែ​ជា​ការ​ប្រកួត​ប្រដាល់​សេរី​ទាំងអស់ មិន​មាន​​ MMA នោះទេ។

គូប្រកួត​ទាំង ៨ មានដូចខាងក្រោម៖

• Nong-O Gaiyanghadao (ថៃ) ប្រកួតការពារ​ខ្សែក្រវាត់ ONE Bantamweight Muay THai WOrld Championship ទល់​នឹង​កីឡាករ​ Brice Delval (បារាំង)។

• Saemapetch Fairtex (ថៃ) vs Rafi Bohic (បារាំង)

• Thanonchai SomawangGaiyang (ថៃ) vs Kohei “Momotaro” Kodera (ជប៉ុន)

• Amber Kitchen (អង់គ្លេស) vs Viktoria Lipianska (ស្លូវ៉ាគី)

• Panpayak Jitmuangnon (ថៃ) vs Masahide Kudo (ជប៉ុន)

• Michael Pham (វៀតណាម-អង់គ្លេស) vs Mohamad Fakri Bin Yusoff (ម៉ាឡេស៊ី)

• Nguyen Tran Duy Nhat (វៀតណាម) vs Azwan Che Wil (ម៉ាឡេស៊ី)

• Nguyen Thanh Tung (វៀតណាម) vs Shahzaib Rindh (ប៉ាគីស្ថាន)

សូមបញ្ជាក់ថា ONE នឹង​បង្ហាញ​គូប្រកួត​បន្ថែម​ទៀត នៅ​ក្នុង​ព្រឹត្តិការណ៍​ទី ៩៩ របស់​ខ្លួននេះ នា​ពេល​ឆាប់ៗខាងមុខ។ ចាំអ៊ុត​មើល​ទាំងអស់គ្នា ថា​តើ​មាន​កីឡាករ​កម្ពុជាឬអត់?