មេ Apple រអ៊ូប្រាប់លោក ដូណាល់ ត្រាំ ថាពិបាកប្រកួតនឹង Samsung

2019-08-19 03:43:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ដូណាល់ ត្រាំ ប្រធានាធិបតីសហរដ្ឋអាមេរិកបាននិយាយថាលោក Tim Cook បានបង្កើតការពិភាក្សាគួរឲ្យទាក់ទាញមួយ ដែលថាការកំណត់យកពន្ធលើប្រទេសចិន នឹងប៉ះពាល់ដល់សមត្ថភាព Apple ក្នុងការប្រកួតប្រជែងជាមួយ Samsung។

លោក ត្រាំ និងនាយកប្រតិបត្តិក្រុមហ៊ុន Apple បានហូបអាហារបានល្ងាចជាមួយគ្នាកាលពីថ្ងៃសុក្រ នៅក្លឹបវាយកូនហ្គោលរបស់ប្រធានាធិបតី ហើយលោកត្រាំ បានរៀបរាប់អំពីការសន្ទនារបស់ខ្លួន ទៅកាន់អ្នកយកព័ត៌មានពីសារព័ត៌មានដូចជា Bloomberg, CNBC និង Fox News។

លោកប្រធានាធិបតីបាននិយាយថា ៖ "ខ្ញុំមានជំនួបដ៏ល្អមួយជាមួយ Tim Cook។ ខ្ញុំមានការគោរពចំពោះ Tim Cook ហើយ Tim បាននិយាយមកកាន់ខ្ញុំអំពីការយកពន្ធ។ ហើយមានរឿងមួយគឺ គាត់បានបង្កើតករណីល្អមួយ គឺថា Samsung ជាគូប្រជែងលេខ ១ របស់ពួកគេ (Apple) ហើយ Samsung មិនត្រូវបង់ពន្ធដោយសារពួកគេមានមូលដ្ឋាននៅកូរ៉េខាងត្បូង”។

លោកបានបន្តថា ៖ "ហើយវាពិបាកចំពោះ Apple ក្នុងការបង់ពន្ធ ប្រសិនបើពួកគេប្រជែងជាមួយក្រុមហ៊ុនល្អមួយ ដែលមិនត្រូវបង់ពន្ធ។ គាត់និយាយថា ពួកគេជាគូប្រជែងល្អមួយ។ Samsung មិនត្រូវបង់ពន្ធ ព្រោះតែពួកគេមានមូលដ្ឋាននៅទីតាំងច្រើន ភាគច្រើននៅកូរ៉េខាងត្បូង ប៉ុន្តែពួកគេមានមូលដ្ឋាននៅកូរ៉េខាងត្បូង។ ហើយខ្ញុំគិតថាគាត់បានបង្កើតការពិភាក្សាគួរឲ្យទាក់ទាញមួយ ហេតុនេះខ្ញុំកំពុងគិតពីវា”។

ផលិតផល Apple ភាគច្រើនដំឡើងក្នុងប្រទេសចិន ហើយវានឹងត្រូវកំណត់ការយកពន្ធនាំចូលបន្ថែម ១០% នៅចុងឆ្នាំនេះ។ ការយកពន្ធនេះនឹងមានប្រសិទ្ធភាពចាប់ពីថ្ងៃទី ១ កញ្ញា សម្រាប់ផលិតផលដូចជា Apple Watch និង AirPods ប៉ុន្តែ iPhone, iPad និង MacBook នឹងត្រូវយកពន្ធចាប់ពីថ្ងៃទី ១៥ ធ្នូ។

Samsung ឯណោះវិញ ភាគច្រើនការផលិតរបស់ខ្លួនមានទីតាំងនៅកូរ៉េខាងត្បូង និងវៀតណាម។ ដូចនេះក្រុមហ៊ុននឹងមិនរងការប៉ះពាល់ធំដុំពីរដ្ឋបាលលោក ដូណាល់ ត្រាំ នោះទេ៕

ចុចអាន ៖ Apple ប្ដឹងក្រុមហ៊ុនមួយដែលចម្លង Software របស់ iPhone

ប្រភព៖ The Verge ប្រែសម្រួល៖ សុខហេង