គ្រូបង្វឹកចង់ឲ្យ Richarlison និង Yerry Mina រៀនអង់គ្លេសបន្ថែមនៅ Everton
- 2019-08-23 23:27:00
- ចំនួនមតិ 0 | ចំនួនចែករំលែក 0
គ្រូបង្វឹកចង់ឲ្យ Richarlison និង Yerry Mina រៀនអង់គ្លេសបន្ថែមនៅ Everton
ចន្លោះមិនឃើញ
Marco Silva បានប្រាប់កូនក្រុមរបស់លោកគឺ រីឆាលីសុន (Richarlison) និង យើរី មីណា (Yerry Mina) ឲ្យប្រឹងរៀនអង់គ្លេសឲ្យបានល្អជាងនេះ។
Silva ចង់ឲ្យកីឡាកររបស់លោកអ្នកទាំងអស់ប្រាស្រ័យទាក់ទងគ្នានៅលើទីលានដោយប្រើភាសាអង់គ្លេស ហើយលក្ខខ័ណ្ឌតម្រូវនេះទាមទារឲ្យកីឡាករបរទេសទាំងអស់ឲ្យចូលរៀនអង់គ្លេសតាំងពីពេលមកដល់ទឹកដី Everton ភ្លាមៗ។
”អង់គ្លេសរបស់ រីឆាលីសុន មិនសូវល្អដូចអ្វីដែលខ្ញុំចង់បានឡើយ ប៉ុន្តែគាត់ព្យាយាមរៀនរាល់ថ្ងៃ មីណា ក៏អីចឹងដែរ។ ទាំងរីឆាលីសុន មីណា និង ប៊ឺណាត គ្មានបញ្ហាទេព្រោះពួកគេមានពេលសម្រាប់រៀន។ ប៉ុន្តែសម្រាប់ រីឆាលីសុន និង មីណា យើងចង់ឲ្យអង់គ្លេសពួកគេប្រសើរជាងនេះ"។ គ្រូបង្វឹកសញ្ជាតិព័រទុយហ្គាល់បាននិយាយ។
“នេះជាការទាមទារដែលយើងចង់បានពីពួកគេ ព្រោះវាជាគន្លឹះមួយសម្រាប់ពួកគេដើម្បីសម្របខ្លួនបានលឿន និង យល់អ្វីៗគ្រប់យ៉ាងដែលកើតឡើងនៅជុំវិញពួកគេជារៀងរាល់ថ្ងៃ"។
ហេតុផលស្រដៀងគ្នានេះបានកើតឡើងចំពោះជីវិតរបស់ Garate Bale នៅ Real Madrid នៅពេលដែលមិត្តរួមក្រុមរបស់កីឡាករសញ្ជាតិវែលនិយាយថា Bale និយាយតែអង់គ្លេស មិននិយាយអេស្ប៉ាញ ទើបធ្វើឲ្យ Bale រស់មិនចុះសម្រុងជាមួយគេដទៃ ហើយតែងតែឯកោដាច់ដោយឡែកតែឯង៕
អាន៖ Richarlison ៤ ឆ្នាំមុន រកតែស្បែកជើងថ្មីមួយគូពាក់មិនបាន ឥឡូវក្លាយជាកីឡាករឆ្នើម