អ្នកជំនាញកីឡាថា កំហុសដ៏គួរឲ្យរន្ធត់របស់ខ្សែប្រយុទ្ធ Brighton គួរបានកាតក្រហម៥
- 2019-08-24 23:36:00
- ចំនួនមតិ 0 | ចំនួនចែករំលែក 0
អ្នកជំនាញកីឡាថា កំហុសដ៏គួរឲ្យរន្ធត់របស់ខ្សែប្រយុទ្ធ Brighton គួរបានកាតក្រហម៥
ចន្លោះមិនឃើញ
Florin Andone របស់ Brighton ត្រូវបានបណ្តេញចេញសម្រាប់កំហុសដ៏គួរឲ្យរន្ធត់អំឡុងពេលSouthampton ឈ្នះក្នុងលទ្ធផល ២-០ ទៅលើ Brighton ហើយ Paul Merson បាននិយាយថាកំហុសនេះគួរតែបានកាតក្រហម៥។
Andone វ័យ២៦ឆ្នាំបានបង្កកំហុសដ៏ធ្ងន់ធ្ងរនៅនាទីទី៣០ ដោយហក់ទៅឈូសមួយទំហឹងទៅលើ Yan Valery ខ្សែការពាររបស់ Southampton។
យ៉ាងណាក្តី Valery គេចផុត មិនធ្វើឲ្យគេរងរបួសធ្ងន់ធ្ងរទេ ប៉ុន្តែរូបភាពនេះពិតជាមើលទៅឃោរឃៅមែនទែនដែលអាជ្ញាកណ្ដាលមិនអាចអត់អោនឲ្យបានឡើយ។
Paul Merson អតីតជម្រើសជាតិអង់គ្លេស និង ជាអ្នកវិភាគកីឡាបាល់ទាត់ដ៏មានប្រជាប្រិយភាពរបស់ Sky Sports បាននិយាយថា ទង្វើដ៏គួរឲ្យស្អប់ខ្ពើមរបស់ខ្សែប្រយុទ្ធ Brighton គួរតែផ្តល់កាតក្រហម៥មិនមែន១ទេ។
ទីបំផុត ក្រុមចាបសមុទ្រ Brighton ដែលមានគ្នាតែ១០នាក់បានចាញ់ Southampton ដោយលទ្ធផល ២-០៕