ប្រព័ន្ធរក្សាសិទ្ធិ YouTube ត្រូវបានគេប្រើដើម្បីជំរិតទារប្រាក់ពី Youtuber

2019-08-26 02:08:19
ចំនួនមតិ 0 | ចំនួនចែករំលែក 0

ចន្លោះមិនឃើញ

Youtuber ម្នាក់(អ្នកបង្កើតវិដេអូសម្រាប់យូធូប) បណ្តឹងដែលដាក់ដោយក្រុមហ៊ុនយូធូប កាលពីពេលថ្មីៗនេះ បានចោទប្រកាន់អ្នកប្រើប្រាស់ម្នាក់គឺ លោកគ្រីស្តូហ្វឺរ ប្រេឌី (Christopher Brady) មកពីក្រុងអូម៉ាហា រដ្ឋនេប្រាស្កា ថាបានរំលោភបំពានប្រព័ន្ធរាយការណ៍ទាក់ទងនឹង “រំលោភច្បាប់រក្សាសិទ្ធិ” ដើម្បីជំរិតទារប្រាក់ពីអ្នកបង្កើតវីដេអូទៅវិញ។

រូបតំណាង៖ ការិយាល័យកណ្ដាល YouTube

លោកគ្រីស្តូហ្វឺរ បានដាក់សេចក្តីជូនដំណឹងស្តីពីការរក្សាសិទ្ធិសហស្សវត្សរ៍ឌីជីថលរាប់សិបច្បាប់ ដែលបានអះអាងមិនពិតថា វីដេអូដែលបានបង្ហោះដោយអ្នកប្រើប្រាស់ផ្សេងទៀតបានរំលោភបំពានច្បាប់រក្សាសិទ្ធិរបស់គាត់ បន្ទាប់មកគាត់ក៏ផ្ញើសារដើម្បី ជំរិតទារប្រាក់ពីអ្នកប្រើប្រាស់ទាំងនោះ។

យោងទៅតាម Ars Technica លោកគ្រីស្តូហ្វឺរ បានធ្វើការអះអាងមិនពិតប្រឆាំងនឹង Minecraft Streamers ល្បីៗ ចំនួន ៣។ បន្ទាប់មករូបលោក បានទាមទារឱ្យពួកគេបង់ប្រាក់ពី ១៥០ ដុល្លារទៅ ៣០០ ដុល្លារតាមរយៈ PayPal ឬពី ៧៥ ទៅ ២០០ ដុល្លារជា Bitcoin ប្រសិនបើពួកគេបដិសេធ គាត់បានគំរាមធ្វើការទាមទាររក្សាសិទ្ធិទីបីដែលអាចធ្វើឱ្យគណនីរបស់ជនរងគ្រោះត្រូវបានបញ្ឈប់។

រូបភាព៖ នាយកដ្ឋានប្រឆាំងបទល្មើសបច្ចេកវិទ្យា

YouTube បានប្រឈមនឹងការរំលោភសិទ្ធិអ្នកនិពន្ធ ហើយនេះមិនមែនជាលើកទីមួយទេ ដែលប្រព័ន្ធទាមទារសិទ្ធិអ្នកនិពន្ធរបស់ខ្លួនត្រូវបានប្រើប្រាស់សម្រាប់ការជំរិតទារប្រាក់។ ករណីប្ដឹង លោកគ្រីស្តូហ្វឺរ នេះជាការផ្ញើសារទៅជនខិលខូចផ្សេងទៀតថាការជំរិតទារប្រាក់ជាអំពើខុសច្បាប់ទោះក្នុងរូបភាពណាក៏ដោយ៕

ប្រភព៖ The Verge ប្រែសម្រួល៖ រក្សា