មើលមង្គលការ YouTuber ល្បីជាងគេក្នុងលោក ពិសេសកម្រិតណា! (វីដេអូ)

2019-08-27 03:16:40
ចំនួនមតិ 0 | ចំនួនចែករំលែក 0

ចន្លោះមិនឃើញ

PewDiePie ដែលមានឈ្មោះពិតថា Felix Kjellberg គឺជា YouTuber ដ៏ល្បីម្នាក់ក្នុងលោក បច្ចុប្បន្នមាន Subscriber រហូតដល់ ១០០ លាននាក់ឯណោះ។ កាលពីសប្ដាហ៍កន្លងទៅនេះរូបគេ និងមិត្តស្រីបានបង្ហោះរូបភាពអាពាហ៍ពិពាហ៍លើ Instagram ដែលធ្វើឲ្យគេឯងភ្ញាក់ផ្អើលជាខ្លាំង។

តាមពិតទៅ Felix Kjellberg និងភរិយា Marzia Bisognin បានប្រារព្ធពិធីអាពាហ៍ពិពាហ៍ជាផ្លូវការតាំងពីថ្ងៃទី ១៩ សីហា ហើយដល់ថ្ងៃទី ២៣ សីហា ទើបបង្ហាញជាសាធារណៈ។ ១៩ សីហានេះ គឺជាខួបទី ៨ ឆ្នាំនៃចំណងស្នេហ៍របស់អ្នកទាំងពីរ ជាថ្ងៃដែលផ្ដើមស្រឡាញ់គ្នាដំបូង។

PewDiePie បានសុំ Marzia រៀបការកាលពីខែមេសា ឆ្នាំ ២០១៨ នៅពេលអ្នកទាំងពីរធ្វើដំណើរទៅលេងប្រទេសជប៉ុន។ បច្ចុប្បន្នគូស្នេហ៍នេះកំពុងស្នាក់នៅទីក្រុង Brighton ចក្រភពអង់គ្លេស ដោយមានឆ្កែចំនួនពីរក្បាលឈ្មោះ Edgar និង Maya។

ពិធីអាពាហ៍ពិពាហ៍គឺត្រូវបានរៀបចំឡើងយ៉ាងសាមញ្ញបំផុត ដោយភ្ញៀវដែលចូលរួមគឺជាមិត្តជិតស្និទ្ធ និងសាច់ញាតិរបស់ភាគីទាំងពីរ។ ភ្ញៀវដែលចូលរួមក៏មាន YouTuber ដូចជា JackSepticEye, GirlGamerGab, KickthePJ និង Boyinaband ជាដើម។

គូស្វាមីនេះមិនបានប្រាប់អំពីទីតាំងរៀបចំមង្គលការនោះទេ។ ផ្អែកតាមរូបភាពទំនងជាធ្វើឡើងនៅ Temperate House ដែលមានទីតាំងនៅ Kew Royal Botanic Gardens ក្នុងទីក្រុងឡុងដុង។ ប្រភពមួយបានឲ្យដឹងថាការចំណាយលើអាពាហ៍ពិពាហ៍នេះគឺអស់ប្រមាណជិត ៩២ ០០០ ដុល្លារ។

PewDiePie កើតនៅប្រទេសស៊ុយអែត។ គណនី YouTube ដែលមាន Subscriber ១០០ លាននាក់របស់លោក ត្រូវបានប៉ាន់ស្មានថាមានតម្លៃ ២០ លានដុល្លារ។ Marzia ក៏ជា YouTuber ម្នាក់ដែរ ប៉ុន្តែបានឈប់ពីមុខរបរនេះ ទៅផ្ដោតលើការព្យាបាលផ្លូវចិត្តវិញ៕