ស្រាយឲ្យអស់ចម្ងល់រឿងបញ្ចុះតម្លៃ iPhone XS Max មកសល់ ១៦០ ដុល្លារ

2019-08-30 00:49:29
ចំនួនមតិ 0 | ចំនួនចែករំលែក 0

ចន្លោះមិនឃើញ

មានការបង្ហោះចែកចាយជាច្រើនក្នុងប្រទេសថៃ ជុំវិញការដាក់លក់ iPhone XS Max ទំហំ 256GB (២០១៩) តម្លៃត្រឹម ៤ ៩០០ បាតឬប្រហែល ១៦០ ដុល្លារអាមេរិក ។ អ្នកខ្លះនៅមានការភ័ន្តច្រឡំនិងខ្លះទៀតឆោឡោចង់ទិញយកមកប្រើប្រាស់ថែមទៀតផង។

តាមរយៈការបកស្រាយពីគេហទំព័រថៃមួយបង្ហើបថា iPhone នោះគឺដំណើរការដោយប្រព័ន្ធ Android និងពុំមានការបញ្ចុះតម្លៃពិសេសដូចអ្នកចែកចាយបានលើកឡើងនោះទេ។ បើធៀបនឹងតម្លៃដើមគឺខុសគ្នាជិត ៨ ដង ដោយម៉ាស៊ីនពិតប្រាកដរបស់ Apple ទំហំ 256GB ដូចគ្នាថ្លៃដល់ទៅ ១ ២៤៩ ដុល្លារ។

ជាងនេះប្រភពខាងលើហាក់អស់សំណើចជុំវិញ Caption របស់អ្នកលក់ ដែលសរសេរ iPhone ឆ្នាំ ២០១៩ ទាំង iPhone XS Max ចេញផ្សាយតាំងពីឆ្នាំ ២០១៨។ ចំពោះទំហំ RAM ម៉ាស៊ីនពិតត្រឹម 4GB តែរបស់ក្លែងក្លាយហ៊ានឡើងដល់ 6GB។

បញ្ជាក់ថាចំពោះរូបរាងបើយើងក្រឡេកមួយខ្វាច់អាចមានភាពស្រដៀង និងទាក់ទាញភ្នែករបស់មនុស្សជុំវិញខ្លួន ប៉ុន្តែចំពោះគុណភាពប្រើតាមដែលដឹងគឺសឹងតែអន់ជាងប្រភេទស្មាតហ្វូន Android ធុនទាបរបស់ក្រុមហ៊ុនមានស្លាកយីហោច្បាស់លាស់ទៅទៀត៕

អានអត្ថបទ:

ប្រភព៖ iphonemod ប្រែសម្រួល៖ កៅ រក្សា