Alisson ស្ថិតក្នុងបេក្ខភាព៣នាក់ចុងក្រោយប្រជែងពាន អ្នកចាំទីឆ្នើមប្រចាំឆ្នាំ
- 2019-09-03 01:32:41
- ចំនួនមតិ 0 | ចំនួនចែករំលែក 0
Alisson ស្ថិតក្នុងបេក្ខភាព៣នាក់ចុងក្រោយប្រជែងពាន អ្នកចាំទីឆ្នើមប្រចាំឆ្នាំ
ចន្លោះមិនឃើញ
Alisson Becker បានក្លាយជាបេក្ខភាពម្នាក់ក្នុងចំណោម៣នាក់ ដែលប្រជែងពាន Best FIFA Men’s Goalkeeper 2019 ឬអ្នកចាំទីឆ្នើមប្រចាំឆ្នាំរបស់សហព័ន្ធបាល់ទាត់ពិភពលោក FIFA។
កីឡាករសញ្ជាតិប្រេស៊ីលដែលទើបឈ្នះពានអ្នកចាំទីឆ្នើមប្រចាំ Champions League កាលពីសប្ដាហ៍មុន ស្ថិតក្នុងបញ្ជីដណ្ដើមពានរបស់ FIFA ជាមួយមិត្តរួមជាតិ Ederson របស់ Manchester City និង Marc-Andre ter Stegen របស់ Barcelona។
ជយលាភីពាននេះនឹងត្រូវសម្រេចដោយគណៈកម្មការជំនាញរបស់ FIFA ដែលប្រមូលម្ដុំដោយអតីតអ្នកចាំទី និងខ្សែប្រយុទ្ធជារៀមច្បងចូលនិវត្តន៍ ហើយលទ្ធផលនឹងប្រកាស ថ្ងៃទី២៣ ខែកញ្ញា នៅទីក្រុងមីឡាន ប្រទេសអ៊ីតាលី៕