អ្នកប្រើ Facebook ចំនួន ៥០ លាននាក់នៅវៀតណាម ត្រូវបែកធ្លាយទិន្នន័យសំខាន់
- 2019-09-05 02:49:41
- ចំនួនមតិ 0 | ចំនួនចែករំលែក 0
អ្នកប្រើ Facebook ចំនួន ៥០ លាននាក់នៅវៀតណាម ត្រូវបែកធ្លាយទិន្នន័យសំខាន់
ចន្លោះមិនឃើញ
Facebook បានជួបបញ្ហាថ្មីមួយទៀតទាក់ទងនឹងភាពឯកជន ដែលទិន្នន័យអ្នកប្រើប្រាស់ចំនួន ៤០០ លាននាក់ត្រូវបានលេចធ្លាយនៅលើ Server មួយដែលមិនមានដាក់លេខសម្ងាត់ការពារ។ TechCreunch បានរាយការណ៍ថា ទិន្នន័យនីមួយៗមានផ្ទុកនូវ ID របស់អ្នកប្រើ និងលេខទូរសព្ទដែលភ្ជាប់ជាមួយគណនីរបស់ពួកគេទៀតផង។
ក្នុង Server ដែលបានលេចធ្លាយទិន្នន័យគឺមានកំណត់ត្រាជាច្រើន ក្នុងនោះរួមមានកំណត់ត្រា ១៣៣ លានរបស់អ្នកប្រើប្រាស់នៅអាមេរិក រួមទាំងអ្នកប្រើប្រាស់នៅចក្រភពអង់គ្លេស ១៨ លាននាក់ និងអ្នកប្រើប្រាស់នៅវៀតណាមជាង ៥០ លាននាក់។
កំណត់ត្រានីមួយៗមានផ្ទុក Facebook ID របស់អ្នកប្រើ ដែលគេអាចប្រើប្រាស់វាដើម្បីដឹងឈ្មោះគណនី ហើយវាមានផ្ទុកលេខទូរសព្ទអ្នកប្រើ និងមានខ្លះគឺមានប្រាប់ភេទ និងទីតាំងតាមប្រទេសទៀតផង។
ក្នុងសេចក្ដីថ្លែងការណ៍អំពីបញ្ហានេះ អ្នកនាំពាក្យ Facebook បាននិយាយថា ទិន្នន័យដែលត្រូវលេចធ្លាយមានអាយុកាលចាស់ ហើយមានទិន្នន័យខ្លះមានតាំងពីពេល Facebook មិនទាន់ប្ដូរការកំណត់ទាក់ទងនឹងលេខទូរសព្ទ។ Facebook បានបញ្ជាក់ថាមិនឃើញមានភស្តុតាងណាបង្ហាញថាគណនី Facebook ត្រូវបានគេលុកលុយនោះទេ ក្រោយលេចធ្លាយទិន្នន័យទាំងនេះ៕
ចុចអាន ៖ Facebook អាចនឹងលាក់ចំនួន Like មិនឲ្យគេឃើញដូច Instagram ដែរ