ប្លែកម្យ៉ាង! គំរូរាងថ្មី iPhone XE ប្រើអង្គផ្ទុក 1TB តម្លៃទាបបំផុត ១ ១៩៩ ដុល្លារ

2019-09-09 01:26:39
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់តែប៉ុន្មានថ្ងៃទៀតប៉ុណ្ណោះក្រុមហ៊ុន Apple នឹងចេញផ្សាយនូវ iPhone សេរ៊ីឆ្នាំ ២០១៩។ ពុំមានការបង្ហើបជាក់ច្បាស់ណាមួយនោះទេ ថានឹងមាន iPhone ប៉ុន្មានម៉ូឌែលលេចមុខនៅថ្ងៃនោះ ប៉ុន្តែយោងតាមការយល់ឃើញរបស់អ្នករចនា Antonio de Rosa បានប្រមើលមើលថាក៏ទំនងជានឹងមានត្រកូល SE ប្រជ្រៀតខ្លួនចូលមួយផងដែរ។

ប្រភពអ្នករចនាបានបញ្ចេញនូវរូបភាព Concept ជាច្រើនសន្លឹក គួបផ្សំនឹងលក្ខណៈសម្បត្តិព្យាករណ៍មួយផ្នែកធំមានតាំងពីផ្នែកកាមេរ៉ា រហូតដល់តម្លៃម៉ាស៊ីន។

ត្រកូល SE ដែលបញ្ឈប់ការលក់កាលពីឆ្នាំ ២០១៨ រំពឹងនឹងលេចមុខសារជាថ្មីនូវជំនាន់ SE 2 ឬឲ្យឈ្មោះថ្មី 'iPhone XE'។ ស្ថិតក្នុងជម្រើសពណ៌ស ខៀវ និងខ្មៅ ដោយវាមានរាងជ្រុងដូចជា iPhone SE ប៉ុន្តែរក្សារចនាបថអេក្រង់ឆកកាត់ iPhone X ដែលមានទំហំ ៦,៦ អ៊ីញ ប្រភេទ OLED មានកម្រិតបង្ហាញ ២ ៩៦០x ១ ៤៤០ ភីកសែល និងដង់ស៊ីតេអេក្រង់ ៥១៤ppi។

ផ្នែកកាមេរ៉ាក្រោយដំឡើងដល់ ៣ គ្រាប់ដូចចចាមអារ៉ាមលេចលើ iPhone 11 មានរាងជាការេ។ ចំពោះតម្លៃតាមប្រភពខាងលើបានប៉ាន់ប្រមាណថាចាប់ផ្តើមពី ១ ១៩៩ ដុល្លារឡើងទៅ ដោយមានជម្រើសអង្គផ្ទុកពីរ 512GB និង 1TB៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា