Apple បាន​ប្រកាស​ចេញ​ជា​ផ្លូវ​ការ​នូវ iPhone ស៊េរី​ថ្មី​ចំនួន ៣ ម៉ូដែល​ ដែល​ក្នុង​នោះ iPhone 11 គឺ​ជា​អ្នក​ស្នង​តំណែង iPhone Xr ដោយ​វា​​ធ្លាប់​ត្រូវ​បាន​គេ​រំពឹង​ថា​មាន​តម្លៃ​ចាប់​ពី ៧៤៩ ដុល្លារ។ ប៉ុន្តែ​តម្លៃ​មែន​ទែន​គឺ​ធូរ​ជាង ៥០ ដុល្លារ។

​លក្ខណៈ​សម្បត្តិ​ខ្លះៗ​របស់​​ iPhone 11 ៖

• iPhone 11 ប្រើ​អេក្រង់ LCD ទំហំ ៦,១ អ៊ីញ

• ប្រើ​ប្រាស់​បន្ទះ​ឈីប A13 Bionic ដំណើរ​ការ​លឿន​ជាង​មុន និងសន្សំសំចៃថាមពលច្រើនជាងមុន​

• កាមេរ៉ា​ក្រោយ​ iPhone 11 មាន​ចំនួន​ពីរ​ កម្រិត ១២ MP ប្រភេទ Wide និង​ ១២ MP ប្រភេទ Ultra-Wide ថត​រូប​ទំហំ ១២០ ដឺក្រេ, មាន​មុខងារ​ Night Mode ជំនួយ​ដល់​ការ​ថត​រូប​ទី​ងងឹត និង​ថត​វីដេអូ​កម្រិត 4K

• កាមេរ៉ា​មុខ​កម្រិត ១២ MP អាច​ថត​វីដេអូ 4K និង​ថត​វីដេអូ Slo-Mo បាន​ជា​លើក​ដំបូង

• ​ថាមពល​ថ្ម​​កាន់​បាន​យូរ​ជាង iPhone Xr ចំនួន ១ ម៉ោង

• អាច​ធន់​នឹង​ទឹក​កម្រិត IP68 ធៀប​នឹង iPhone Xr មាន​កម្រិត IP67

• មាន​តម្លៃ​ ៦៩៩ ដុល្លារ (៦៤GB), ៧៤៩ ដុល្លារ (១២៨GB) និង ៨៤៩ ដុល្លារ (២៥៦GB)

• មានជម្រើសពណ៌ស្វាយ បៃតង ស លឿង ខ្មៅ និងក្រហម

• ចេញ​លក់​ថ្ងៃ​ទី ២០ ខែ​កញ្ញា

ប្រភព៖ The Verge   ប្រែ​សម្រួល៖ សុខហេង