Jack Ma ចុះចេញពីតំណែង បានអ្នកណាឡើងជំនួស?

2019-09-11 06:57:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបើកឆាកទីផ្សារ E-commerce អស់រយៈពេល ២០ឆ្នាំមក ទីបំផុតមហាសេដ្ឋីនិងជាម្ចាស់ក្រុមហ៊ុនលក់ទំនិញអនឡាញយក្សដ៏ល្បីរបស់ចិនប្រកាសខ្លួនចូលនិវត្តន៍កាលពីថ្ងៃម្សិលមិញនេះហើយ (១០ កញ្ញា ២០១៩)។

(Jack Ma រូបភាពពី Commons Wiki Media អំឡុងថ្លែងក្នុងសន្និសីទ World Economic Forum)

គម្រោងចូលនិវត្តន៍នេះលោកធ្លាប់បានប្រកាសម្ដងរួចមកហើយក្នុងថ្ងៃគម្រប់ខួប ១៩ឆ្នាំរបស់ Alibaba និងជាថ្ងៃកំណើតអាយុ ៥៤ឆ្នាំរបស់លោកកាលពីឆ្នាំទៅ (១០ កញ្ញា ២០១៨)។

Daniel Zhang ដែលបច្ចុប្បន្នកាន់តំណែងជា Chief Executive នឹងចូលមកកាន់តំណែង Executive Chairman ជំនួស Jack Ma។ យ៉ាងណាក៏ដោយ Jack Ma នឹងនៅតែបន្តធ្វើការយ៉ាងជិតស្និទ្ធជាមួយ Daniel រហូតដល់ការប្រជុំម្ចាស់ភាគហ៊ុនប្រចាំឆ្នាំ ២០២០ ដើម្បីឲ្យប្រាកដថាការផ្ទេរតំណែងគ្រប់គ្រងនេះនឹងប្រព្រឹត្តទៅបានយ៉ាងរលូន។

(លោក Daniel Zhang រូបភាពពី Alizila)

ទាក់ទងនឹងការចូលនិវត្តន៍លើកនេះ លោក Jack Ma បង្ហើបថា ខ្លួនល្មមគ្រប់គ្រាន់នឹងការដឹកនាំក្រុមហ៊ុននេះហើយ។ ឯការចូលនិវត្តន៍នេះក៏ជាពេលវេលាស័ក្តិសមមួយដែលនឹងបើកឱកាសឲ្យ Alibaba ប្រែខ្លួនទៅជាក្រុមហ៊ុនដែលមានប្រព័ន្ធគ្រប់គ្រងរឹងមាំ មិនពឹងផ្អែកតែលើបុគ្គលណាមួយតែម្នាក់។ ការផ្លាស់ប្ដូរលើកនេះមិនមែនជាចុងបញ្ចប់ទេ តែជាការចាប់ផ្ដើមយុគសម័យថ្មីរបស់ Alibaba។

“បើយើងមិនប្ដូររបៀបបង្រៀនទេ ៣០ឆ្នាំទៀត យើងនឹងមានបញ្ហាធំហើយ” លោក Jack Ma ថ្លែងក្នុងវេទិកា World Economic Forum កាលពីឆ្នាំទៅ ដែលនេះជាទស្សនៈរបស់លោកចំពោះការប្រកួតប្រជែងនាពេលអនាគត។

(លោក Ma Huateng រូបភាពពី Celebrity Networth )

គួរបញ្ជាក់ផងដែរថា បច្ចុប្បន្ននេះ Jack Ma ជាប់ជាសេដ្ឋីដែលមានទ្រព្យសម្បត្តិគង់វង្សលំដាប់ទី ២១ លើពិភពលោក និងលំដាប់លេខ ២ របស់ចិនបន្ទាប់ពី Ma Huateng មេ Tencent។ Jack Ma មានទ្រព្យសម្បត្តិសរុបប្រមាណ ៣៧ ៣០០ លានដុល្លារសហរដ្ឋអាមេរិក៕

ប្រភព៖ BBC | CNN | The Standard ប្រែសម្រួល៖ Sokchea Heng

ពាក្យទាក់ទង

Knowledge

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024