ក្រុមហ៊ុនទូរសព្ទមួយទៀត សម្រួចអាវុធថ្មីដំឡើងល្បឿនឆ្នាំងសាកដល់ ៦៥ វ៉ាត់

  • 2019-09-16 07:44:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ


Reno Ace ​អាច​នឹង​ក្លាយ​ជា​​ស្មាតហ្វូន​ប្រចាំ​ឆ្នាំ ២០១៩ ​របស់​ក្រុមហ៊ុន​ Oppo ​ដែល​បង្កប់​អាវុធ​ពិសេស​សម្រាប់​ប្រជែង​ជាមួយ​ក្រុមហ៊ុន​ដទៃ​ ពោល​គឺ​ ​មុខងារ​សាកថ្ម​ល្បឿន​លឿន​ហួស​និស្ស័យ​​នៅលើឆ្នាំងសាក ដែល​មាន​កម្លាំងបញ្ជូន​ដល់​ទៅ ៦៥ វ៉ាត់​ ឲ្យ​ឈ្មោះ​ថា Super Flash Charger ឬ​ ​Super VOOC Charging ជំនាន់​ ២ (អាចសាកពី ០% ដល់ ៤០% ចាយពេល ១០នាទីប៉ុណ្ណោះ)។

Oppo Reno Ace

​យោង​តាម​ប្រភព​ព័ត៌មាន​នានា​បាន​ឲ្យ​ដឹង​ច្បាស់ៗ​ថា ល្បឿនប៉ុណ្ណេះគឺជា ល្បឿនសាកដែលលឿនជាងគេទាំងអស់ សូម្បីតែធៀបនឹងល្បឿនសាក ៥០ វ៉ាត់ SuperVOOC ជំនាន់ ១ ក៏លឿនជាង ៣០% ដែរ។ លើសពីនេះទៀត ​ស្មាតហ្វូន​ត្រកូល Reno មួយ​នេះ​នឹង​មកជាមួយរន្ធសាកក៏លឿនដែរ USB Type-C ឆ្នាំ ២០១៩ ហើយវាអាចនឹងបំពាក់ឈីប Snapdragon 855 Plus ព្រមជាមួយនឹងអេក្រង់​ល្អ​មួយ​ផងដែរឡើង​ដល់ ៩០ Hz (Refresh rate)។

ស្មាតហ្វូន​ Flagship ​នឹង​ត្រូវ​បាន​ក្រុមហ៊ុន​ប្រកាស​ចេញ​នៅ​ថ្ងៃ​ទី ១០ ​ខែ​តុលា​ឆ្នាំ ២០១៩ ខាងមុខនេះ។ ​ចំពោះ​លក្ខណៈ​ពិសេស​ផ្សេង​ទៀត​ដូចជា ថាមពលពលថ្មអាចនឹងមានទំហំ ៤០០០ មីលីអំពែម៉ោង ឯតម្លៃ​ នៅមិន​ទាន់​មាន​ការ​បែក​ធ្លាយ​នោះ​ទេ ដូចនេះសូម​រង់​ចាំ​បន្តិចទៀត៕

SuperVOOC ជំនាន់ ១ ​កម្លាំងបញ្ជូន​ ៥០ វ៉ាត់​

ប្រភព៖ Gizchina   ប្រែ​សម្រួល៖ រក្សា