រំលឹកអនុស្សាវរីយ៍ម៉ូតូ Honda Cub ប្រើតកូនតចៅ តាំងពីឆ្នាំ ១៩៥៨

2019-09-16 08:40:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Honda Super Cub ជាផលិតផលម៉ូតូរបស់ជប៉ុន ដែលអាចនិយាយបានថាមិនសូវទាន់សម័យ តែបើនិយាយពីគ្រឿងម៉ាស៊ីនវិញគឺពិតជាធន់ ប្រើរាប់ឆ្នាំហើយនៅតែខ្លាំងទៀត។ អ្នកខ្លះជិះម៉ូតូម៉ាក Honda Super Cub នេះរហូតរាប់ទសវត្សរ៍ តកូនតចៅឯណោះក៏មានដែរ។ Honda Super Cub មានច្រើនស៊េរីទៅតាមឆ្នាំនីមួយៗ (តាំងពីឆ្នាំ ១៩៥៨)។

ឥឡូវសាកមកមើល ម៉ូតូ Honda Super Cub គ្រប់ស៊េរីតាំងពីឆ្នាំ ១៩៥៨ ថាតើមានរាងប្លែកៗគ្នាយ៉ាងម៉េចខ្លះ?

១. Honda Cub C100 (ផលិតពីឆ្នាំ ១៩៥៨~១៩៦៧)

២. Honda Cub C102 (ផលិតពីឆ្នាំ ១៩៦០~១៩៦៥)

៣. Honda Cub C50 (ផលិតពីឆ្នាំ ១៩៦៦~១៩៨០+)

៤. Honda Cub C70 (ផលិតពីឆ្នាំ ១៩៦៩~១៩៨០+)

៥. Honda Cub C90 (ផលិតពីឆ្នាំ ១៩៦៦~១៩៨០+)

៦. Honda Cub C100EX (ផលិតពីឆ្នាំ ១៩៨៦-)

៧. Honda Super Cub50 (ផលិតពីឆ្នាំ ២០០៧– )

៨. Honda Super Cub110 (ផលិតពីឆ្នាំ ២០០៩– )

៩. Honda Dream110i (ផលិតពីឆ្នាំ ២០១១– )

១០. Honda Little Cub Fi SH150i(ផលិតឆ្នាំ ២០១៧)

ក្រុមហ៊ុន Honda បានផលិតម៉ូតូម៉ូដែល Cub នេះ លក់លើទីផ្សារជោគជ័យរយៈពេល៥៩ឆ្នាំមកហើយ ដោយសារផលិតផលមានគុណភាពខ្ពស់។ ម៉ូដែលដែលពេញនិយមជាងគេគឺ Super Cub ប៉ុន្តែក្រៅពីម៉ូដែលនេះ ក៏មាន Little Cub 14 ដែលផលិតកាលឆ្នាំ២០០៨ ដើម្បីអបអរ ខួប៥០ឆ្នាំ របស់ក្រុមហ៊ុន Honda Cub។

Little Cub Fi SH150i ត្រូវបានគេផលិតយ៉ាងពិសេស មានម៉ាស៊ីនទំហំ 50CC ដូចជំនាន់ Little Cub 14 ឆ្នាំ២០០៨ដែរ ប៉ុន្តែមានបំពាក់បច្ចេកវិទ្យាថ្មី កាន់តែស៊ីសាំងតិច។ វាមានវិមាត្រ ប្រវែង១៨០០មិល្លីម៉ែត្រ, ទទឹង៦៦០ម.ម និងកម្ពស់១០០០ម.ម ខណៈដែលធុងសាំង មានចំណុះ ៣,៤លីត្រ។ ចំពោះតម្លៃរបស់វាគឺ ៣៥៣២ដុល្លារសហរដ្ឋអាមេរិក (តម្លៃនៅវៀតណាម)៕

១១. Honda Super Cub 125(ផលិតឆ្នាំ ២០១៨-)

គិតចាប់ពីម៉ូឌែល Honda Super Cub 125 ឆ្នាំ ២០១៨ នេះគឺមានប្រើប្រាស់ Smart Key និងមានកាំកង់ដែលទាន់សម័យជាងពីមុន ព្រមជាមួយនឹងប្រព័ន្ធអ៊ាំប្រ៊ីយ៉ាស្វ័យប្រវត្តិ ត្បិតតែ រូបរាងរបស់ Super Cub ជំនាន់ចុងក្រោយនេះ នៅមានលក្ខណៈបុរាណដូចជាចង្កៀងរាងមូល ភ្លើងស៊ីញ៉ូរាងជ្រុង ប៉ុន្តែទំនើបត្រង់ថាជាអំពូល LED។

ម៉ូតូ Super Cub 125 ឆ្នាំ ២០១៨ មានលក់នៅប្រទេសវៀតណាមក្នុងតម្លៃប្រមាណ ៤ ៣០០ ដុល្លារ។ ចំណែកនៅប្រទេសថៃមានតម្លៃប្រមាណ ២ ៦០០ ដុល្លារប៉ុណ្ណោះ រីឯប្រទេសកម្ពុជា បានដាក់លក់ប្រមាណជា ៤០០០ ដុល្លារ(ពេលចេញដំបូង)។

រំឮកដែរថា Honda SuperCup បានក្លាយជាម៉ូតូលក់ដាច់បំផុត ដែលបានកាន់កំណត់ត្រាលក់អស់ ១០០ លានគ្រឿងតាំងពីឆ្នាំ ១៩៥៨ មកម្ល៉េះ (ចុះប្រិយមិត្តវិញប្រើ Honda Cub ស៊េរីណាមួយដែរ?) ៕

ជាងពីមុន អត្ថបទទាក់ទង៖

ប្រភព៖ Wikipedia ប្រែសម្រួល៖ ប៉ែត ផាន់និត