U16 កម្ពុជាបើកឆាកប៉ះ U16 ម៉ាឡេស៊ី ល្ងាចនេះ ពាន AFC U15

2019-09-18 03:19:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិកម្ពុជាក្រោមអាយុ១៦ នឹងត្រូវប៉ះក្រុមបាល់ទាត់ជម្រើសជាតិម៉ាឡេស៊ីក្រោមអាយុ១៦ នៅម៉ោង៦:៣០នាទីល្ងាចនេះ ក្នុងពានរង្វាន់ AFC U16 Championship 2020 ពូល J ។

ក្រុម U16 កម្ពុជានេះ ដឹកនាំដោយលោក Inoue Kazunori ដែលជាគ្រូបង្វឹកជប៉ុន ធ្លាប់ជួយក្រុមយុវជនកម្ពុជាជោគជ័យយ៉ាងខ្លាំងនៅពេលកន្លងមក។ ខណៈដែលប៉ះក្រុមម៉ាឡេស៊ីនេះ គឺក្រុមគោព្រៃវ័យក្មេងកម្ពុជា ទើបតែជួបនៅពាន AFF U15 ទេ ដោយគ្រានោះក្រុមកម្ពុជា បរាជ័យក្រោមក្នុងលទ្ធផល ២-០។ ដូច្នេះការប្រកួតពាន AFC U16 នេះ អាចថាជាជំនួបដែលក្រុមកម្ពុជាត្រូវសងសឹកឱ្យបាន។

ក្នុងវគ្គជម្រុះតាមពូលនេះ ក្រុមកម្ពុជាស្ថិតនៅពូល J ជាមួយក្រុមម៉ាឡេស៊ី ជប៉ុន និងឡាវ ដែលជាក្រុមម្ចាស់ផ្ទះ។ ក្រោយពីចប់ការប្រកួតជាមួយក្រុមម៉ាឡេស៊ីនេះទៅ កម្ពុជា នឹងត្រូវប៉ះក្រុមយុវជនជប៉ុនទៀតនៅថ្ងៃ២០ មុនពេលប៉ះឡាវនៅថ្ងៃ២២ខែកញ្ញាឆ្នាំ២០១៩នេះ៕

អត្ថបទ៖ ប្រុស យុទ្ធ