ឆៅណាស់! តេស្តទម្លាក់ iPhone 11 Pro ស្តែងៗនៅមុខហាង Apple Store

2019-09-21 03:36:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្ទឹមនឹងការបើកលក់ផ្លូវការនៃ iPhone សេរ៊ីឆ្នាំ ២០១៩ របស់ក្រុមហ៊ុន Apple បង្វែរទៅបុរសម្នាក់នៃក្រុមការងារ Tom's Guide ក៏បានធ្វើវីដេអូតេស្តស្តែងៗពីភាពធុននៃ iPhone 11 Pro។

ការសាកល្បងនោះឆ្លើយតបទៅនឹងការលើកឡើងរបស់ Apple ដែលថាកញ្ចក់នៅលើ iPhone 11 Pro និង iPhone 11 Pro គឺមានភាពធុនខ្លាំងបំផុត ប៉ុន្តែតេស្តជាក់ស្ដែងប្រភពខាងលើបានបង្ហាញលទ្ធផលមិនជាទីពេញចិត្តសម្រាប់អតិថិជននោះទេ។

ទស្សនាវីដេអូខាងក្រោម៖

ការតេស្តផ្ទាល់នៅនឹងមុខមនុស្សជាច្រើន ខាងមុខទីតាំង Apple Store មួយកន្លែង ដំណាក់កាលដំបូងតាមរយៈការទម្លាក់ផ្កាប់មុខកម្ពស់ត្រឹមចង្កេះ (ប្រហែលជាងមួយម៉ែត្រ) លទ្ធផលឃើញថាបានប្រេះស្រាំនៅអេក្រង់ផ្នែកចំហៀង។ ដោយឡែកការទម្លាក់ម្តងទៀតផ្កាប់ផ្នែកខាងក្រោយ ជាលទ្ធផលពុំឃើញមានស្នាមប្រេះអ្វីឡើយ ប៉ុន្តែការសាកល្បងដំណាក់កាលបន្ទាប់កម្ពស់ខ្ពស់ជាងមុន ឃើញថាខ្នងក្រោយបានរងភាពប្រេះស្រាំយ៉ាងដំណំ៕

អានអត្ថបទ:

ប្រភព៖ iclarified ប្រែសម្រួល៖ កៅ រក្សា