មេ Bayern គំរាមធ្ងន់ៗទៅជម្រើសជាតិអាល្លឺម៉ង់ បើហ៊ានដក Neuer ដាក់ Stergen

2019-09-25 14:00:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្លឹប Bayern Munich លោក Uli Hoeness បាននិយាយប្រាប់សារព័ត៌មាន Sport Bild ថា ប្រសិនបើ អាល្លឺម៉ង់ជ្រើសយកអ្នកចាំទី Barcelona កីឡាករ Marc Andre Ter Stegen ជាអ្នកចាំទីដៃទី១ រំលងអ្នកចាំទីរបស់លោកកីឡាករ Manuel Neuer នោះ ក្លឹប Bayern នឹងមិនទាំងមូលនឹងមិនទៅលេងនៅក្រុមជម្រើសជាតិអាល្លឺម៉ង់ឡើយ។

លោកបាននិយាយថា៖ " យើងមិនអាចទទួលយកបានចំពោះរឿងនេះ។ ប្រសិនបើ Bayern ដឹងមុន Bayern នឹងមិនបញ្ជូនកីឡាករអាល្លឺម៉ង់ទៅលេងនៅជម្រើសជាតិឡើយ " ។

ឆ្លើយតបនឹងរឿងនេះដែរ នាយកបច្ចេកទេសនៃសមាគមបាល់ទាត់អាល្លឺម៉ង់ លោក Oliver Bierhoff បាននិយាយថា ក្លឹប Bayern Munich មិនអាចធ្វើបែបនេះបានទេ។ បើយោងតាមច្បាប់របស់ FIFA ក្លឹបនីមួយៗត្រូវតែបញ្ជូនកីឡាកររបស់ខ្លួនទៅលេងនៅជម្រើសជាតិ។

Neuer បានក្លាយជាអ្នកចាំទីដៃទី១ អាល្លឺម៉ង់ជាង ១០ឆ្នាំមកហើយ ប៉ុន្តែមួយរយៈចុងក្រោយនេះ មជ្ឈដ្ឋានបាល់ទាត់យល់ថា កីឡាកររូបនេះហាក់បីដូចជាធ្លាក់ទម្រង់លេង ហើយអ្នកចាំទីវ័យ ២៧ Ter Stegen សក្ដិសមនឹងតំណែងអ្នកចាំទីដៃទី១ របស់អាល្លឺម៉ង់។

Ter Stegen ត្រូវបានគេរំពឹងថា នឹងចូលលេងឲ្យក្រុមជម្រើសជាតិអាល្លឺម៉ង់ សម្រាប់ប្រកួតក្នុងខែតុលា នេះបើតាមការចុះផ្សាយរបស់សារព័ត៌មាន Bleacher Report៕

ប្រភព៖ Goal អត្ថបទ៖ សេរី មង្គល