មានដឹងអត់ ការកើតឡើងទូរសព្ទវៃឆ្លាតមានប្រវត្តិបែបណា?

2019-10-14 10:00:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទវៃឆ្លាត Smartphone ជាទូរសព្ទចល័តមួយប្រភេទ ដែលមានសមត្ថភាពខ្ពស់ និងមុខងារច្រើនយ៉ាង។ Smartphone មានបំពាក់ដោយប្រព័ន្ធប្រតិបត្តិការ (OS) និងកម្មវិធីទំនើបៗ ជាពិសេសមានមុខងារមួយចំនួនដែលមានលក្ខណៈប្រើប្រាស់មិនចាញ់កុំព្យូទ័រនោះទេ។

តម្រូវការក្នុងការប្រើប្រាស់ទូរសព្ទម៉ូដែលវៃឆ្លាតបានកើនឡើងពីមួយ ឆ្នាំទៅមួយឆ្នាំ ជាហេតុធ្វើឲ្យក្រុមហ៊ុនផលិតទូរស័ព្ទខិតខំកែច្នៃ និងផ្លាស់ប្ដូរមុខងារជាច្រើនរហូតដល់ឥឡូវនេះ Processor, អង្គចងចាំអេក្រង់ និងប្រព័ន្ធដំណើរការកាន់តែធំ និងទំនើបជាងមុន។

នៅបណ្ដាប្រទេសអភិវឌ្ឍ និន្នាការនៃការប្រើប្រាស់ Smartphone កើនឡើងយ៉ាងឆាប់រហ័ស។ ជាក់ស្ដែងយោងតាមរបាយការណ៍ដែលចេញផ្សាយដោយ ComScore បានបង្ហាញថា នៅសហរដ្ឋអាមេរិក ក្នុងចំណោមប្រជាជនសរុប២៣៤លាន មាន៤៥.៥លាននាក់កំពុងប្រើប្រាស់ Smartphone។

ប្រវត្តិ

Simon

Smartphone ដែលផលិតឡើងដំបូងបំផុតមានឈ្មោះ Simon។ Simon ត្រូវបានរចនាគំរូដោយក្រុមហ៊ុន IBM ក្នុងឆ្នាំ១៩៩២ ហើយត្រូវបានក្រុមហ៊ុន COMDEX ជ្រើសរើសយកទៅផលិត និងដាក់លក់ជាផ្លូវការក្នុងឆ្នាំ១៩៩៣។ Simon ម៉ូដែលដំបូងនេះក្រៅពីមានមុខងារជាទូរសព្ទចល័តហើយ វានៅមានមុខងារជាច្រើនទៀតដូចជា មានប្រតិទិន សៀវភៅអាសយដ្ឋាន នាឡិកាមើលម៉ោងបានជុំវិញពិភពលោក ម៉ាស៊ីនគិតលេខ កម្មវិធីកត់ត្រា (Note-Pad) ប្រព័ន្ធផ្ញើសារអេឡិចត្រូនិក (e-mail) មុខងារផ្ញើនិងទទួលទូរសារ (Fax) និងមុខងារកម្សាន្តផ្សេងៗទៀត។

ចាប់តាំងពីឆ្នាំ២០០២នេះហើយ ដែលក្រុមហ៊ុនផលិតទូរសព្ទភាគច្រើនងាកមកផលិត Smartphone។ ក្រុមហ៊ុន Nokia បានចាប់ផ្ដើមផលិតដំបូងម៉ូដែល Nokia 9000 ក្នុងឆ្នាំ១៩៩៦។ Nokia 9000 គឺជាម៉ូដែលមិនទាន់មានលក្ខណៈទំនើបនៅឡើយ តែក្រោយមក Nokia បានសហការជាមួយក្រុមហ៊ុន HP បានបន្ថែមមុខងារពិសេសជាច្រើន។ បន្ទាប់ពីនោះ Nokia បានបញ្ចេញម៉ូដែលថ្មីមួយទៀតគឺ 9210 ជាប្រភេទអេក្រង់ពណ៌ដំបូង និងមានប្រព័ន្ធប្រតិបត្តិការអាចដំណើរការបានពេញលេញ។ ក្រោយមកទៀត Nokia បានបន្ថែមមុខងារពិសេសជាច្រើនបន្ថែមទៀតដូចជា WiFi និងកាមេរ៉ាថតរូបជាដើមឲ្យម៉ូដែល Smartphone ក្រោយៗរបស់ខ្លួន។

យុគសម័យ Palm, Symbian និងBlackBerry

Nokia N8

នៅឆ្នាំ២០០០ ក្រុមហ៊ុន Ericsson បានបង្ហាញម៉ូដែលវៃឆ្លាតអេក្រង់ Touchscreen ដំបូងម៉ាក R380 ដំណើរការដោយប្រព័ន្ធប្រតិបត្តិការ Symbian ហើយក្រោមមកទៀតនៅឆ្នាំ២០០២ SE ក៏បានបញ្ចេញមួយម៉ូដែលទៀតគឺ P800 ដែលមានមុខងារពិសេសខាងថតរូប។

ចំណែក Palm វិញក្នុងឆ្នាំ២០០១ ក៏បានដាក់លក់ម៉ូដែលដំបូងរបស់ខ្លួនដែរ គឺម៉ាក Kyocera 6035 ដែលទទួលបានការពេញនិយមបំផុតនៅសហរដ្ឋអាមេរិក។ Kyocera 6035 បានរួមបញ្ចូលសេវាកម្មរបស់ PDA និងប្រើប្រាស់បណ្ដាញគ្មានខ្សែរបស់ក្រុមហ៊ុន Verizon Wireless។

នៅឆ្នាំ២០០១នេះដែរ Microsoft ក៏បានបញ្ចេញ Windows CE Pocket PC OS ដែរតែមិនទាន់ទំនើបដូច Symbian នៅឡើយ។ ចំណែក RIM ក៏បានបញ្ចេញ BlackBerry ដំបូងក្នុងឆ្នាំនេះដែរ តែនៅពេលដាក់លក់ដំបូងដូចជាមិនសូវទទួលការពេញនិយមប៉ុន្មានទេ។ រហូតដល់ចុងឆ្នាំ២០០៩ RIM អាចវាយលុកយកចំណែកទីផ្សារបានមួយចំនួនធំហើយមានអ្នកប្រើប្រាស់ សរុបជាង៣២លាននាក់។

នៅក្នុងឆ្នាំ២០០៧ Nokia N95 ត្រូវបានគេទទួលស្គាល់ថា ជាម៉ូដែលមានបញ្ចូលលក្ខណៈពិសេសច្រើនបំផុត ជាពិសេសគេទទួលស្គាល់ថាវាជាស្ដង់ដារទូរសព្ទវៃឆ្លាតពិតៗ។

យុគសម័យ Android និង iPhone

iPhone Original

នៅចុងឆ្នាំ២០០៧ Apple បានបញ្ចេញ iPhone ដំបូងក្នុងតម្លៃ ៥០០ ដុល្លារ។ iPhone ត្រូវបានអ្នកបច្ចេកវិទ្យាទទួលស្គាល់នូវភាពល្អឯកអេក្រង់បែប Multi-touch របស់វាគឺគ្មានគូប្រៀបឡើយ ចំណែក iOS ដែលជាប្រព័ន្ធប្រតិបត្តិការផ្ដាច់មុខរបស់វានោះក៏មិនចាញ់គេដែរ។

ចំណែក Android វិញក៏ត្រូវបានក្រុមហ៊ុន Google ដាក់ ឲ្យប្រើប្រាស់ជាផ្លូវការនៅឆ្នាំ២០០៨ដែរ។ ម៉ូដែល Smartphone ដែលដំណើរការដោយ Android ដំបូងគឺ HTC Dream ។ នៅចុងត្រីមាសទីបួនឆ្នាំ២០១០ Android បានជំនួសដំណែង Symbian ដែល គ្រងជិតមួយទសវត្សហើយនោះបានសម្រេច ដោយប្រព័ន្ធប្រតិបត្តិការដ៏ក្មេងខ្ចីមួយនេះ លក់ដាច់បាន៣២.៩លានគ្រឿងលើស Symbian ១.៩លានគ្រឿងឯណោះ៕

ពាក្យទាក់ទង

អត្ថបទពេញនិយម

Haaland, Mbappe, Salah ល្បីសាហាវតែមើលប្រាក់ខែចាញ់ម្នាក់នេះទៅវិញ

ប្រាសាទ ដាវីន បានបង្កើតប្រវត្តិសាស្ត្រជាមាតាទីមួយគ្រងមកុដបវរកញ្ញាចក្រវាលកម្ពុជាឆ្នាំ ២០២៤

ផ្ទុះការរិះគន់អក្សរចិនលើស្លាកហាងគ្មានអក្សរខ្មែរ មន្ត្រីថាបានចុះណែនាំដែរ តែគេមិនស្តាប់

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

រថយន្តអគ្គិសនី Maxus Mifa9 សម្រេចបាននូវសម្ធិទផលលក់ដាច់ជាខ្លាំងលើសរថយន្ត Toyota Alphard នៅហុងកុង និងប្រទេសថៃ

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

អូ គូលែន និងអ្នកនាង សុភ័ក្រ កុសុម៉ា បានក្លាយជាដៃគូសហការណ៍ ដើម្បីលើកកម្ពស់ការរស់នៅប្រកបដោយសុខុមាលភាព

ក្រុមតារាចម្រៀង Twice នឹងចូលរួមជាភ្ញៀវកិត្តិយស ក្រុមColdplay សម្រាប់ការប្រគុំតន្ត្រីរយៈពេល 6 ថ្ងែនៅកូរ៉េ

ធនាគារ វីង គាំទ្រកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៨

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ