iPhone 2020 ចាំបាច់ត្រូវផ្លាស់ប្តូរ ៥ ចំណុចនេះ បើមិនចង់ឲ្យអតិថិជនសាំចិត្ត

2019-10-25 06:15:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតការលក់ iPhone 11, iPhone 11 Pro/11 Pro Max ហាក់កំពុងទទួលបានជោគជ័យនៅទីផ្សារអឺរ៉ុប ប៉ុន្តែសម្រាប់ឆ្នាំ ២០២០ ត្រូវបានគេជឿជាក់ថាក្រុមហ៊ុន Apple ចាំបាច់ត្រូវធ្វើការផ្លាស់ប្តូរចំណុចធំៗមួយចំនួន ដើម្បីបញ្ចៀសភាពសាំចិត្តនិងបន្តទាក់ទាញចំណាប់អារម្មណ៍របស់អ្នកប្រើប្រាស់។

ក្នុងនោះមាន ៥ ចំណុចដែល Apple គួរផ្លាស់ប្តូរលើ iPhone សេរ៊ីឆ្នាំ ២០២០៖

១.វិវត្តទៅកាន់ប្រព័ន្ធ 5G

នៅបណ្តាប្រទេសធំៗក្នុងសកលលោកបាននឹងកំពុងដាក់ដំណើរការប្រព័ន្ធ 5G ជាបណ្តើរៗហើយ ដោយឡែកបើយើងក្រឡេកទៅមើលគូប្រជែងធំៗដូចជា Huawei, Samsung, Oppo ក៏សុទ្ធសឹងមានស្មាតហ្វូនដើរដោយ 5G មិនតិចម៉ូឌែលដែរ។ ចំណុចរសើបនេះ Apple គឺមិនអាចពន្យារហួសចុងឆ្នាំ ២០២០ បានឡើយ។

២.លុបចោលស្នាមឆក

ស្នាមឆកបានកើតមានលើកដំបូងបង្អស់លើសេរ៊ី iPhone X កាលពី ៣ ឆ្នាំមុន ប៉ុន្តែរចនាបថបែបនេះវាហាក់បីចាស់កំរិលសម្រាប់អ្នកប្រើប្រាស់ ព្រោះមនុស្សជាច្រើនចាប់អារម្មណ៍ចង់បានស្មាតហ្វូនមានអេក្រង់លាតពេញច្រើនជាង។

៣.ផ្លាស់មកប្រើ USB-C

លើ iPad Pro និងកុំព្យូទ័រ Mac សេរ៊ីខ្ពស់ៗ កំពុងមានប្រើប្រាស់ប្រព័ន្ធសាក USB-C ប្លែកតែ iPhone តម្លៃខ្ទង់ពាន់ដុល្លារដែរ តែនៅប្រើត្រឹមរន្ធសាក Lightning ធម្មតា។ យ៉ាងណាមិញគេឃើញមានក្នុងប្រអប់ iPhone 11 Pro កំពុងកែប្រែចំណុចនេះជាបណ្តើរៗហើយ ប៉ុន្តែក៏រំពឹងនឹងទទួលបានភាពពេញលេញនៅឆ្នាំបន្ទាប់។

៤.បំពាក់ប្រព័ន្ធស្កេនខ្ចៅដៃក្នុងអេក្រង់

ការដែលបាត់បង់ប្រព័ន្ធស្កេនខ្ចៅដៃ វាពុំមែនជារឿងល្អនោះទេ ត្បិតការស្កេនផ្ទៃមុខជាមុខងារសាមញ្ញ តែការប្រើខ្ចៅដៃដើម្បីដោះសោក្នុងកាលៈទេសៈចាំបាច់ខ្លះ គឺមានភាពរហ័សនិងងាយស្រួលជាង។

៥.ផ្លាស់ប្តូររចនាបថតួខ្លួន

រចនាបថដូចមានលើ iPhone សេរ៊ីឆ្នាំ ២០២០ គឺកើតមានដំបូងបង្អស់នៅលើ iPhone X ពោលគ្មានការផ្លាស់ប្តូរអ្វីច្រើននោះទេ នៅរយៈពេល ៣ ឆ្នាំចុងក្រោយ។ យើងរំពឹងថានឹងបានឃើញរូបរាង iPhone ២០២០ ដ៏ថ្មីស្រឡាង ដើម្បីមកកក្រើកពិភពស្មាតហ្វូនសារជាថ្មី៕

អានអត្ថបទ:

ប្រភព៖ TrustedReviews ប្រែសម្រួល៖ កៅ រក្សា