កន្លែងការងារនៅ Facebook ពិតជាអួអាប់ដល់ម្ល៉ឹង?

2019-10-31 08:44:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Facebook, Inc. ជាក្រុមហ៊ុនបណ្តាញសង្គមដ៏ធំមានទីស្នាក់ការធំនៅរដ្ឋកាលីហ្វ័ញ៉ា និងសព្វថ្ងៃមានបុគ្គលិកកំពុងបម្រើការចំនួនជិត ៣ម៉ឺននាក់ នៅជុំវិញពិភពលោក។ ត្បិតតែមើលទៅ Facebook ដូចជាអស្ចារ្យ ហើយមានអ្នកខ្លះប្រាថ្នាចង់ទៅធ្វើការនៅទីនោះ តែបែរជាមានបុគ្គលិក និងអតីតបុគ្គលិកមួយចំនួនរិះគន់ក្រុមហ៊ុនមួយនេះមិនដាច់ពីមាត់ទៅវិញ។ តើអ្នកទាំងនោះមិនពេញចិត្តអ្វីខ្លះចំពោះ Facebook?

១. ទោះបីជាអ្នកទៅលំហែកាយនៅថ្ងៃវិស្សមកាល អ្នកនឹងត្រូវស្ពាយការងារទៅតាមខ្លួនជានិច្ច

Sunayana Sen ជាអតីតបុគ្គលិកនៅក្រុមហ៊ុន Facebook បានឱ្យដឹងថា ទោះបីជាអ្នកទៅសម្រាកលំហែកាយនៅទីណាក្តី អ្នកហាក់បីដូចជាត្រូវធ្វើការឥតឈប់ ព្រោះត្រូវមាន Facebook Group សម្រាប់បុគ្គលិកគ្រប់ផ្នែកទាំងអស់ ដើម្បីផ្តល់ព័ត៌មាន គម្រោង និងកិច្ចការជាច្រើនទៀតមិនចេះចប់។ ដូច្នេះទោះបីទៅលំហែកាយក៏ដូចជាទៅធ្វើការអញ្ចឹងដែរ។

២. ធ្វើការឱ្យ Facebook ដូចចំណាយពេលទៅបើក Facebook រាល់ពេល ហើយ Scroll ចុះឡើងៗឥតប្រយោជន៍

អតីតបុគ្គលិក Intern ដែលធ្លាប់ធ្វើការនៅ Facebook បានឱ្យដឹងថា បើអ្នកជាអ្នកសរសេរកូដ ហើយបើចង់តេស្តកូដដែលបានសរសេររួច គឺត្រូវ Scroll មើល Facebook ចុះឡើងៗគ្រប់ពេលវេលា ដើម្បីដឹងលទ្ធផល។ នេះហើយដែលពេលខ្លះ ធ្វើឱ្យអ្នកឈឺក្បាល និងតប់ប្រមល់ខ្លាំងមែនទែន។

៣. "កុំសង្ឃឹមថាចង់ញាំអាហារអ្វីមួយដោយសេរីបាននោះ ព្រោះកន្លែងការងារគ្មានជញ្ជាំងបាំងទេ"

បុគ្គលិកមួយរូបមិនបញ្ចេញឈ្មោះនិយាយថា កន្លែងធ្វើការរបស់បុគ្គលិក Facebook គឺគ្មានជញ្ជាំងបាំងទេ ហើយត្រូវអង្គុយកៀកគ្នាជាជួរៗ ដែលពេលខ្លះមានអារម្មណ៍ថាគ្មានផាសុកភាព និងគ្មានភាពឯកជនទាល់តែសោះ។

៤. សំឡេងចេចចូចចេញពីបុគ្គលិក Facebook គឺជាការមើលងាយគ្នា និងអួតតែពីខ្លួនឯង

“សំឡេងចេចចូច គឺជាការមើលងាយគ្នាទៅវិញទៅមក និងអួតតែពីខ្លួនឯង ហើយខ្ញុំគិតថាពួកគេជាមនុស្សវាយឫក និងឈ្លើយ"។ នេះជាសម្តីអតីតបុគ្គលិកមួយរូបធ្លាប់បម្រើការនៅ Facebook។

៥. គ្មានស្មារតីការងារក្នុងក្រុម និងគ្មានសិទ្ធិសម្រេច

it-was-probably-my-worst-professional-experience-to-date

អតីតបុគ្គលិក Intern ជំនាញសរសេរកូដនៅ Facebook បានរិះគន់ថា មានពេលគាត់បានព្យាយាមសរសេរគម្រោងមួយសាឡើងវិញ ដោយចំណាយពេលច្រើនគួរសម តែត្រូវក្រុមរបស់គាត់និយាយថា "វាគ្មានប្រយោជន៍អីក្នុងការសរសេរគម្រោងនេះម្តងទៀតនោះទេ"។ គាត់បន្ថែមទៀតថាប្រសិនបើគម្រោងរបស់គាត់ ត្រូវបានយកមកពិចារណា គាត់ប្រាកដជាបានធ្វើឱ្យ Facebook មានការរីកចម្រើន និងដើរលើផ្លូវវិជ្ជមានបានច្រើនមិនខាន។

ប្រភព៖ businessinsider

ប្រែសម្រួល៖ ប៉ែត ផាន់និត