មិនចង់ក៏ត្រូវតែបង្ខំឡើងដែរ ព្រោះកំណែ iOS ចាស់ ២ ត្រូវ Apple បិទចោលហើយ

2019-11-07 06:24:30
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចក្រុមហ៊ុន Apple ទើបតែបានធ្វើការបិទចោលនូវការដំឡើងទៅកាន់ iOS 13.1.2 និង iOS 13.1.3 ពោលគឺអតិថិជនមានផ្លូវតែម្យ៉ាងគត់ ទាមទារឲ្យដំឡើងទៅជំនាន់ចុងក្រោយបង្អស់។

មិនថាតែការ Downgrade ឬ Restore ម៉ាស៊ីនថ្មី គ្រប់ម៉ូឌែលដែលគាំទ្រទាំង iPhone/iPad ចាំបាច់ត្រូវដំឡើងទៅកាន់ iOS 13.2 ឬ iPadOS 13.2។ iOS ថ្មីនេះបានចេញផ្សាយកាលពីចុងខែតុលា ដោយមានបន្ថែមនូវមុខងារ Deep Fusion, Emoji ថ្មីប្រមាណ ៧០ និងការគាំទ្រ AirPods Pro ជាដើម។

អ្វីដែលជាកង្វល់លើ iOS 13.2 កន្លងទៅក៏មានអ្នកប្រើប្រាស់មួយផ្នែកធំរាយការណ៍ថាដំណើរការមិនប្រក្រតី សោតយ៉ាងដូចជាការប្រើប្រាស់កម្មវិធីក្នុង Background គឺគ្រប់យ៉ាងត្រូវបានបិទបើកថ្មីដោយស្វ័យប្រវត្តិ។

បែបនេះហើយប្រសិនម្ចាស់ iPhone/iPad ដែលកំពុងឈរលើ iOS ចាស់ មានដំណើរការស្រួលជាធម្មតា អ្នកគួររង់ចាំដល់ការចេញផ្សាយ iOS ថ្មីមួយទៀត ស្របពេល iOS 13.3 Beta ក៏កំពុងស្ថិតក្នុងដំណាក់កាលអភិវឌ្ឍ៕

អានអត្ថបទ:

ប្រភព៖ iphonemod ប្រែសម្រួល៖ កៅ រក្សា